Fframwaith y Bwrdd Parôl ar gyfer Gwneud Penderfyniadau
Dyma ganllaw i'r cyhoedd i ddangos y Fframwaith ar gyfer Gwneud Penderfyniadau a ddefnyddir gan aelodau'r Bwrdd Parôl
Dogfennau
Manylion
Parole Board Decision-Making Framework
Trosolwg
Mae’r Fframwaith ar gyfer Gwneud Penderfyniadau’n ymagwedd strwythuredig a ddefnyddir gan aelodau’r Bwrdd Parôl wrth wneud penderfyniadau ynghylch parôl. Fe’i cyflwynwyd ym mis Ebrill 2019.
Mae’r Fframwaith yn fynegiad cyson, a rennir o’r broses ar gyfer gwneud penderfyniadau a ddefnyddir gan aelodau. Wrth ddefnyddio’r Fframwaith, mae aelodau’n ymarfer barn broffesiynol annibynnol.
Nid yw’r Fframwaith yn cyfyngu ar y dystiolaeth na’r materion a ystyrir gan aelodau, nac yn eu hatal mewn unrhyw ffordd rhag ymarfer eu disgresiwn wrth wneud penderfyniad. Nid yw’r themâu a gyflwynir yn y Fframwaith yn gynhwysfawr a gall aelodau roi sylw i unrhyw elfen berthnasol arall. Mae’r Fframwaith yn perthyn i’r broses yn hytrach na sylwedd y penderfyniad.
Mae’r Fframwaith ar gyfer Gwneud Penderfyniadau’n gymwys ar y camau Asesiad Achos Aelod (MCA) a’r Gwrandawiad Llafar, yn ogystal ag unrhyw gam arall lle mae penderfyniadau ynghylch rhyddhau a/neu symud ymlaen i amodau agored yn cael eu gwneud. Mae’r Fframwaith ar gyfer Gwneud Penderfyniadau’n broses ddilyniannol, y mae aelodau’n gweithio trwyddi’n unigol neu fel panel.
Sut y’i gwnaed
Mae’r Fframwaith hwn wedi’i ddatblygu gan RADAR, sef grŵp strategol a arweinir gan aelodau sy’n gyfrifol am adolygu ymagwedd y Bwrdd tuag at wneud penderfyniadau ynghylch risg.
Hoffai RADAR ddweud diolch i bawb sydd wedi bod yn gysylltiedig â datblygu’r Fframwaith ar gyfer Gwneud Penderfyniadau a’r canllawiau hyn.
Dylid anfon adborth ar y fframwaith at: info@paroleboard.gov.uk
Diweddarwyd ddiwethaf ar 7 December 2022 + show all updates
-
The latest edition is an updated version of the decision making framework.
-
First published.