Canllawiau

Darparu darlun cytbwys: gair i gall ar gyfer safleoedd adolygiadau ar-lein

Diweddarwyd 4 March 2016

© Hawlfraint y Goron 2016

Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.

Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.

Mae'r cyhoeddiad hwn ar gael yn https://www.gov.uk/government/publications/online-reviews-and-endorsements-advice-for-businesses/b48670e2-7e4f-4673-ade7-8202f752d517

An illustration of online customer reviews.

Gall adolygiadau ar-lein chwarae rhan bwysig wrth helpu defnyddwyr i wneud y dewisiadau cywir.

Er mwyn cynnal ymddiriedaeth pobl, dylai safleoedd adolygiadau wirio a chyflwyno adolygiadau mewn modd sy’n osgoi ystumio’r darlun cyffredinol a gyflwynir i bobl sy’n eu darllen.

Os yw’ch gwefan yn caniatáu i bobl adolygu cynnyrch neu wasanaethau – eich rhai chi, neu rai rhywun arall – dylech gyhoeddi pob adolygiad dilys, perthnasol a chyfreithlon. Dylech hefyd sicrhau nad yw eich prosesau i gasglu, cymedroli a chyhoeddi adolygiadau yn llesteirio hyn.

1. Pethau i’w gwneud

  • esbonio i ddefnyddwyr y safle’r gwahaniaeth rhwng gadael adolygiad a fwriedir i’w gyhoedd a gwneud cwyn i chi
  • osgoi oedi afresymol wrth gyhoeddi adolygiadau wedi eu cyflwyno
  • gwirio adolygiadau negyddol a phositif gyda’r un lefel o dryloywder, a chael gweithdrefnau i gael gwared ar adolygiadau ffug
  • egluro i ddefnyddwyr y safle sut mae adolygiadau wedi eu casglu a gwirio, beth sydd angen iddynt ei wneud i gael cyhoeddi eu hadolygiad, a pham na fydd eu hadolygiad o reidrwydd yn cael ei gyhoeddi
  • datgelu unrhyw berthynas fasnachol sydd gennych gyda’r busnesau a restrir yn glir ac amlwg

2. Pethau i’w hosgoi

  • casglu adolygiadau gan gwsmeriaid y gwyddoch eu bod yn fodlon yn unig (oni bai bod y rheiny wedi eu labelu’n glir fel ardystiadau), neu gynnig ysgogiadau ar gyfer adolygiadau positif
  • ceisio perswadio cwsmeriaid i beidio gadael adolygiad o’u profiad – hyd yn oed os yw eu problem wreiddiol wedi ei datrys
  • rhoi’r hawl i fusnesau flocio adolygiadau nad ydynt yn eu hoffi
  • ceisio perswadio cwsmeriaid i gyflwyno cwyn i chi, yn hytrach nag adolygiad i’w gyhoeddi
  • trin adolygiad negyddol a fwriadwyd i’w gyhoeddi fel cwyn a pheidio ei gyhoeddi

3. Pam mae hyn yn bwysig?

Amcangyfrifa ein hymchwil fod dros hanner oedolion yn y Deyrnas Unedig yn defnyddio adolygiadau ar-lein.

Os yw’r ffordd yr ydych yn rheoli neu gyflwyno eich adolygiadau yn camarwain defnyddwyr, gallech fod yn gweithredu’n groes i’r Rheoliadau Diogelu Defnyddwyr rhag Masnachu Annheg 2008.

4. Ble galla i gael rhagor o wybodaeth?

  • Mae defnyddwyr safleoedd yn disgwyl i’ch cynnwys adlewyrchu adborth adolygwyr ar eu profiadau yn gywir. Dylai eich prosesau sicrhau bod defnyddwyr yn gweld y darlun llawn.
  • Nid yw’r deunyddiau hyn yn cyfateb i gyngor cyfreithiol ac ni ddylid dibynnu arnynt felly.
Back to top