Offer TWE Sylfaenol - help ynghylch gosod Linux
Diweddarwyd 6 Ebrill 2021
© Hawlfraint y Goron 2021
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/getting-basic-paye-tools-working-on-linux/841b52b7-9a2f-40d8-87ac-f73dd9b026da
Mae’r canllaw hwn yn gymwys i Offer Talu Wrth Ennill (TWE) Sylfaenol (BPT) fersiwn 21.0 ac ar ôl hynny.
Dibyniaethau sylfaenol
I’w redeg, mae BPT yn dibynnu ar glibc>=2.12.
Dibyniaethau ychwanegol ar gyfer Linux 64-bit
Mae BPT wedi cael ei adeiladu a’i brofi ar systemau 32-bit. Nid yw’n cael ei gefnogi’n swyddogol ar Linux 64-bit, ond gallai’r canllaw hwn helpu os ydych yn defnyddio system 64-bit.
Bydd angen i chi osod y llyfrgelloedd 32-bit priodol ar gyfer eich system. Ar Ubuntu 20.04 ac ar ôl hynny, gellir gwneud hyn gyda:
$ sudo dpkg --add-architecture i386
$ sudo apt update
$ sudo apt install libxft2:i386 libxext6:i386
$ sudo apt install libxslt1.1:i386 libgssapi-krb5-2:i386 libsqlite3-0:i386
Efallai na fydd rheolwyr pecynnau graffigol fel Synaptic yn rhestru fersiynau 32-bit y pecynnau hyn.
Rhedeg y gosodwr
Mae’n rhaid i chi dynnu’r gosodwr o’r lawrlwythiad sip cyn ei redeg. Mae rhai offer Rhyngwyneb Defnyddiwr Graffeg (GUI), er enghraifft Rheolwr Archif Ubuntu, yn caniatáu i chi redeg rhaglen y gosodwr y tu mewn i’w rhyngwyneb heb ei thynnu, ond nid yw’n rhedeg yn gywir fel hyn.
Problemau posibl
Mae gwall yn codi wrth redeg y gosodwr
Rhedwch y gosodwr yn y modd testun gan ddefnyddio’r gorchymyn canlynol (gan ddisodli “payetools-rti-xx.y.zzzzz.aaaa-linux” gydag enw ffeil y gosodwr rydych wedi’i lawrlwytho):
$ ./payetools-rti-xx.y.zzzzz.aaaa-linux --mode text
Y tro cyntaf i chi redeg Offer TWE Sylfaenol o’r llwybr brys ar y bwrdd gwaith, efallai y byddwch yn cael eich annog i ‘Ymddiried a lansio’ y rhaglen.
Does dim byd yn digwydd pan fyddwch yn ceisio agor y rhaglen BPT
I fynd at wraidd y broblem, dylech wirio’r ddau beth hyn yn y lle cyntaf:
- allbwn y consol wrth redeg /path/to/HMRC/payetools-rti/rti.linux
- cynnwys y /tmp/rti.log
Bydd y rhain yn dangos gwybodaeth a allai eich helpu i ddatrys y broblem eich hun (er enghraifft, dibyniaethau sydd ar goll). Os oes angen help arnoch, cysylltwch â CThEM a gwnewch yn siŵr bod y ffeil cofnodi gennych wrth law (gan gynnwys unrhyw ffeiliau cofnodi eraill yn /tmp named rti*).
Gweinydd Modd Cynorthwyol
Os ydych yn dewis rhedeg BPT gyda chymorth y Feddalwedd Gynorthwyol wedi’i alluogi, bydd BPT yn rhedeg yn y cefndir fel gweinydd, ac yn ceisio rhoi ei ryngwyneb ym mhorwr gwe diofyn eich amgylchedd bwrdd gwaith.
Bydd y gweinydd yn parhau i redeg yn y cefndir. Bydd y rhan fwyaf o amgylcheddau bwrdd gwaith yn dangos eicon cilfach â logo CThEM sy’n eich caniatáu i adael y gweinydd yn hwylus. Fodd bynnag, nid yw rhai amgylcheddau, er enghraifft Ubuntu Unity, yn dangos yr eicon cilfach.
Gallwch hefyd adael y gweinydd yn gyfan gwbl drwy ddefnyddio’r URL: http://127.0.0.1:46729/QUIT