Argymhelliad yr ASB ar gywerthedd y gweithdrefnau arolygu ôl-lladd ar gyfer cynhyrchion cig coch yn Awstralia
Cyhoeddwyd 23 Gorffennaf 2025
Yn berthnasol i Loegr, Gogledd Iwerddon a Chymru
© Hawlfraint y Goron 2025
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/fsa-recommendation-on-the-equivalence-of-the-post-mortem-inspection-procedures-of-red-meat-products-in-australia/argymhelliad-yr-asb-ar-gywerthedd-y-gweithdrefnau-arolygu-ol-lladd-ar-gyfer-cynhyrchion-cig-coch-yn-awstralia
Cefndir
Ym mis Tachwedd 2022, gofynnodd Swyddfa Sicrwydd Masnach Iechydol a Ffytoiechydol Defra (Swyddfa’r DU) i’r ASB asesu a fyddai newidiadau arfaethedig Awstralia i’w gweithdrefnau arolygu ôl-lladd ar gyfer cig byfflo, gwartheg, defaid a geifr a allforir yn gyfwerth â deddfwriaeth Prydain Fawr ar ofynion diogelwch bwyd. Ceisiodd yr ASB benderfynu a ellid ystyried bod y mesurau amgen a gynigiwyd yn gyfwerth â’r gofynion perthnasol a nodir yn neddfwriaeth Prydain Fawr.
Roedd asesiad yr ASB yn seiliedig ar yr wybodaeth a oedd yn y cais gwreiddiol gan Awstralia, ynghyd â gwybodaeth ychwanegol a ddarparwyd gan awdurdodau Awstralia ar gais yr ASB.
Argymhelliad yr ASB, Mawrth 2025
Daeth yr ASB i’r casgliad bod cynigion Awstralia mewn perthynas â’u gweithdrefn archwilio ôl-lladd ar gyfer organau a nodau lymff carcas defaid a geifr, a phennau gwartheg a byfflo yn gyfwerth â’r gofynion cyfredol a nodir yn neddfwriaeth Prydain Fawr. Fodd bynnag, mae derbyn y newidiadau hyn yn dibynnu ar Awstralia yn cynnal ei statws fel gwlad y mae eu gwartheg yn rhydd rhag twbercwlosis a mesurau rheoli risg cynhwysfawr, gyda’r posibilrwydd o ailystyried os bydd hyn yn newid.