Cofrestru ac arolygu llaeth
Cyhoeddwyd 6 Chwefror 2018
Yn berthnasol i Loegr, Gogledd Iwerddon a Chymru
© Hawlfraint y Goron 2018
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/dairy-registration-and-inspections/cofrestru-ac-arolygu-llaeth
1. Cofrestru daliad cynhyrchu llaeth
Er mwyn gallu cynhyrchu llaeth a chynnyrch llaeth, bydd angen i chi gofrestru.
Yng Nghymru ac yn Lloegr, gallwch chi wneud cais i gofrestru gyda ni gan ddefnyddio’r ffurflen gais i gofrestru daliad cynhyrchu llaeth.
1.1 Cymru a Lloegr
Cymhwyso neu Hysbysiad Newid ar gyfer Cofrestru Daliad Cynhyrchu Llaeth Cofrestredig
Os oes angen unrhyw gyngor neu gymorth arnoch gyda’ch cais, neu os oes gan gynhyrchwyr cofrestredig presennol unrhyw gwestiynau neu ymholiadau ynghylch statws cofrestru, cysylltwch â ni drwy anfon e-bost iapprovals@food.gov.uk.
1.2 Gogledd Iwerddon
Gallwch wneud cais i gofrestru yng Ngogledd Iwerddon gyda’r Adran Amaethyddiaeth a Datblygu Gwledig yng Ngogledd Iwerddon.
2. Arolygiadau hylendid llaeth
Rydym yn arolygu pob fferm laeth yng Nghymru ac yn Lloegr.
Mae ein harolygiadau hylendid llaeth yn sicrhau bod safon foddhaol o hylendid yn cael ei chynnal ar bob fferm laeth a bod yr holl rwymedigaethau cyfreithiol yn cael eu bodloni. Rydym yn gwneud hyn trwy:
- arolygu safleoedd ac offer godro
- arolygu anifeiliaid sy’n cynhyrchu llaeth
- gorfodi safonau boddhaol
Mae’r arolygiadau’n helpu i ddiogelu cyflenwad llaeth amrwd y genedl rhag cael ei halogi gan facteria a sylweddau niweidiol eraill.
2.1 Gogledd Iwerddon
Yng Ngogledd Iwerddon cynhelir archwiliadau hylendid llaeth gan Gangen Sicrhau Ansawdd yr Adran Amaethyddiaeth a Datblygu Gwledig.
3. Pa mor aml y cynhelir arolygiadau?
Mae’r amlder arolygu arferol ar gyfer safleoedd cofrestredig sy’n cynhyrchu llaeth yn dibynnu ar:
- math o gynnyrch
- math o rywogaeth sy’n cynhyrchu’r llaeth
- dyddiad yr arolygiad diwethaf
- aelodaeth o’r cynllun achrediad trydydd parti (Cynllun Sicrwydd Ffermydd Llaeth Tractor Coch)
- hanes cydymffurfio’r fferm
- unrhyw wybodaeth, cwynion neu ymchwiliadau lleol eraill a allai olygu bod angen arolygiad
3.1 Arolygu bob 6 mis
- llaeth buwch i’w yfed yn amrwd i’w werthu’n uniongyrchol i’r defnyddiwr terfynol
- llaeth yfed amrwd o’r holl rywogaethau eraill i’w werthu’n uniongyrchol i’r defnyddiwr terfynol
3.2 Arolygu bob 2 flynedd
- cynhyrchu llaeth amrwd i’w gyfanwerthu o rywogaethau heblaw gwartheg
- cynhyrchu llaeth amrwd i’w gyfanwerthu o wartheg ar fferm laeth heb ei gwarantu
3.3 Arolygu bob 10 mlynedd
- cynhyrchu llaeth amrwd i’w gyfanwerthu o wartheg ar fferm laeth warantedig