Canllawiau

Hysbysiad preifatrwydd Barn Cwsmeriaid

Diweddarwyd 8 Gorffennaf 2025

Mae’r hysbysiad hwn yn dweud wrthych am gasglu a phrosesu gwybodaeth bersonol gan dîm Barn Cwsmeriaid yr Asiantaeth Taliadau Gwledig (RPA).

1. Diben Prosesu

Byddwn yn defnyddio’r wybodaeth rydych yn ei darparu er mwyn llywio a gwella’r gwasanaethau a’r cynlluniau y mae RPA a grŵp Adran yr Amgylchedd, Bwyd a Materion Gwledig (Defra) ehangach yn eu darparu.

2. Pam y gallwn brosesu eich data personol

Y sail gyfreithlon dros brosesu yw cydsyniad. Mae’r gyfraith yn caniatáu i ni brosesu eich data personol o dan Erthygl 4 (11) ac Erthygl 7 o Reoliad Cyffredinol y Deyrnas Unedig ar Ddiogelu Data (GDPR y DU). Caniateir i ni brosesu eich data personol pan fyddwch yn rhoi cydsyniad yn rhydd i ni wneud hynny.

3. Pa ddata personol rydym yn eu prosesu

Y wybodaeth y byddwn yn ei chasglu ac yn ei phrosesu yw:

• gwybodaeth gofrestru cwsmeriaid
• rhif y daliad (CPH)
• eich dewisiadau ar ba bynciau ymchwil yr hoffech gymryd rhan ynddynt

Mae’n bosibl y byddwn yn casglu ac yn prosesu:

• rhywedd
• grŵp oedran
• unrhyw gyflyrau iechyd a allai ei gwneud hi’n anodd i chi gael gwybodaeth am ein gwasanaethau

Byddwn ond yn defnyddio’r wybodaeth hon i wneud y canlynol:

• nodi cyfleoedd ymchwil priodol i chi
• gwneud addasiadau rhesymol yn ystod ymchwil
• llunio adroddiadau er mwyn deall eich profiad o RPA yn well, a’i wella

Byddwn yn trin unrhyw adborth y byddwch yn ei roi i ni yn ddienw. Oni bai eich bod yn gofyn yn benodol, ac yn cydsynio, i ni rannu eich manylion personol. Mae’n bosibl y byddwn yn defnyddio canfyddiadau ymchwil at ddibenion hyfforddi.

Mae’n bosibl y byddwn yn defnyddio manylion sydd eisoes wedi’u storio yn ein systemau, ynghyd â’ch adborth, er mwyn deall mwy am eich profiadau fel cwsmer. Mae’n bosibl y byddwn yn eu deall er mwyn nodi pa gyfleoedd ymchwil yw’r mwyaf perthnasol i chi a’ch busnes.

Os byddwch yn cyfathrebu â ni ar-lein, byddwn hefyd yn casglu eich cyfeiriad protocol rhyngrwyd (IP) a manylion pa porwr gwe rydych yn ei ddefnyddio.

Yn y dyfodol, mae’n bosibl yr hoffai Defra gysylltu â chi gydag arolwg neu gyfweliad dilynol. Byddai’n defnyddio’r prif fanylion cyswllt sydd â RPA a byddai’n croesawu eich cymorth.

4. Eich cyfrifoldeb o ran data personol pobl eraill

Os ydych wedi cynnwys data personol am bobl eraill yn eich cofnodion, mae’n rhaid i chi ddweud wrthynt. Rhaid i chi roi copi o’r Hysbysiad Preifatrwydd hwn iddynt er mwyn sicrhau eu bod yn gwybod y bydd eu data personol yn cael eu defnyddio.

5. Ble y bydd eich data personol yn cael eu storio

Rydym yn storio, yn trosglwyddo ac yn prosesu eich data personol ar ein gweinyddion yn y Deyrnas Unedig (y DU) ac yn yr Undeb Ewropeaidd (UE).

6. Am ba hyd y byddwn yn cadw eich data personol

Byddwn yn cadw eich data arolwg am 2 flynedd am ymatebion unigol a dadansoddi a 10 blynedd am adroddiadau terfynol.

Cyfeiriwch at ein Siarter Gwybodaeth Bersonol a’r adran ‘Am faint o amser y byddwn yn cadw data’ am ragor o wybodaeth am unrhyw eithriadau posibl.

Rydym yn dileu eich cyfeiriad IP o’n cofnodion ar ôl 90 diwrnod.

7. Gyda phwy rydym yn rhannu eich data personol

Mae’n bosibl y byddwn yn rhannu eich data personol â Defra a’r grŵp Defra ehangach. Mae hyn at ddibenion ymchwil ac i lywio a gwella’r gwasanaethau a’r cynlluniau a ddarperir.

Sefydliadau’r grŵp Defra:

• Asiantaeth Iechyd Anifeiliaid a Phlanhigion
• Bwrdd Datblygu Amaethyddiaeth a Garddwriaeth
• Canolfan Gwyddorau’r Amgylchedd, Pysgodfeydd a Dyframaethu
• Gerddi Botaneg Brenhinol Kew
• Cyd-bwyllgor Gwarchod Natur
• Asiantaeth yr Amgylchedd
• Cyfarwyddiaeth Meddyginiaethau Milfeddygol
• Comisiwn Coedwigaeth
• Sefydliad Rheoli Morol

8. Eich hawliau

Darllenwch ein Siarter Gwybodaeth Bersonol i gael gwybod pa hawliau sydd gennych o dan y Rheoliad Cyffredinol ar Ddiogelu Data a Deddf Diogelu Data 2018.

9. Sut i wneud cwyn

Os bydd gennych bryderon ynglŷn â’r ffordd y mae’r RPA yn defnyddio eich data personol, darllenwch am sut i gysylltu â ni neu am sut i wneud cwyn.