رہنمائی

اونہاں لئی رہنمائی جیہڑے دوستاں تے خاندان نوں بنا معاوضہ نگہداشت فراہم کردے نیں

تازہ ترین حال 8 July 2021

2021© کراؤن کاپی رائٹ

ایہ اشاعت نوں حکومت دے لائسنس وی 3۔0 دی شرائط دے تحت لائسنس ملیا اے سوائے اُس تھاں جتھے ایس توں علاوہ ہور کُج لکھیا اے۔ ایس لائسنس نوں ویکھن لئی ایہ ملاحظہ کرو۔ , visit nationalarchives.gov.uk/doc/open-government-licence/version/3 or write to the Information Policy Team, The National Archives, Kew, London TW9 4DU, or email: psi@nationalarchives.gov.uk.

جتھے اسی تیجے بندے دی کاپی رائٹ دی معلومات دی شناخت کراں گے تے تہانوں اُس کاپی رائٹ دے مالک توں اجازت لینا ہوؤئے گی۔

ایہ اشاعت ایتھے موجود اے {url}%

ایہہ رہنمائی کس دے لئی اے

ایہہ رہنمائی انگلینڈ اچ ہر اوس بندے لئی اے، جیہڑا کسے دوست سجن یا کنبے دے رکن دی، بنا کسے ادائیگی دیکھ بھال کردا اے، عمر بھر دی اک حالت، بیماری، معذوری، سنگین چوٹ، دماغی صحت دی حالت یا کسے بری لت دی وجہ توں اوہ اونہاں دی مدد دے بغیر اپنی حیاتی نئیں گزار سکدا اے۔

ایہہ GOV.UK اتے شائع ہون آلی دوجی رہنمائی دے سلسلے اچ تیار کیتی اے، جیس اچ شامل نیں:

نوجوان کیئررز تے نوعمر بالغ کیئررز

ایہہ رہنمائی 25 ورھیاں توں گھٹ عمر (نوجوان کیئررز تے نوعمر بالغ کیئررز) دے لئی وی مددگار ثابت ہو سکدی اے جیہڑے کسے دی دیکھ بھال کردے نیں۔ فراہم کیتی معلومات تے مشورے نوجوان نگہداشت کاراں نوں اونہاں تبدیلیاں نوں سمجھن اچ مدد کرن دے لئی پیش کیتے گئے نیں جیہڑیاں اونہاں نوں کرن دی لوڑ اے تے کورونا وائرس (COVID-19) دی وباء دے دوران دستیاب مدد ول رستہ وکھاندی اے۔

جے تسی 18 ورھیاں توں گھٹ عمر دے او تے تسی کسے دی دیکھ بھال کردے او یا اوس بندے دی دیکھ بھال کردے او جیس نوں روزانہ دی حیاتی اچ مدد دی لوڑ ہوندی اے تے تسی اک نوجوان نگہداشت کرن آلے او۔ کسے دوست یا کنبہ دے رکن (والدین، بھرا، بھین، دادا دادی یا دوجے رشتہ دار) نوں بیماری، معذوری، شدید چوٹ، دماغی صحت دی حالت یا کسے بری لت دے کارن توں مدد دی لوڑ ہو سکدی اے۔

جے تہاڈی عمر 16 ورھیاں توں ودھ لیکن 25 ورھیاں توں گھٹ اے تے تسی کسے دی دیکھ بھال کردے او یا کرن دی ذمہ واریاں سنبھالدے او، تے تسی نوجوان بالغ نگہداشت کرن آلے او۔ بھانویں تسی جناں لوکاں دی دیکھ بھال کردے او اونہاں دے نال رہ سکدے او یا نئیں۔

جے ہر فرد ٹھیک اے، تسی لازمی نگہداشت دی فراہمی جاری رکھ سکدے او تے ایس دیکھ بھال لئی سفر کر سکدے او۔ جے کسے فرد اچ کورونا وائرس دی علامتاں ہون یا اوس دا ٹیسٹ مثبت ہووے تے کی کرنا اے ایس لئی ہیٹھاں دتی معلومات ویکھو۔

عام مشورے

کورونا وائرس دی پابندیاں

حکومت نے COVID-19، ردعمل – موسم بہار 2021 شائع کیتا اے، جیس اچ انگلینڈ دے لئی موجودہ لاک ڈاؤن توں روڈ میپ مقرر کیتا گیا اے۔ ایہہ وضاحت کردا اے کہ ویلے دے نال پابندیاں نوں کیویں نرم یا گھٹ کیتا جاوے گا۔

تسی کیہڑے کم کر سکدے او تے کیہڑے کم نئیں کر سکدے او ناں متعلق کجھ اصول 21 جون نوں تبدیل ہو گئے سن۔ فیر وی، بہت ساری پابندیاں اجے وی نافذ نیں۔

انگلینڈ دے کج حصیاں وچCOVID-19دی نویں قسم پھیل ریی اےتہاڈے علاقے دے بارے وچ ہو سکدا اےاضافی مشورہ ہویے. پتہ کرو کہ تھانوں کی کرن دی لوڑ اے.

اپنی تے تہاڈے ولوں نگہداشت کیتے جان آلے فرد دی حفاظت کرنا

جے تسی، یا اوہ بندہ جیس دی تسی دیکھ بھال کردے او، اوس اچ کوئی علامتاں نہ ہون، تے مہربانی کر کے NHS ویب سائٹ اتے حفظان صحت دے متعلق رہنمائی نال رجوع کرو، جیس اچ دسیا گیا اے:

کرو:

  • اپنے ہتھاں نوں صابن تے پانی نال کثرت نال دھوو، گھٹ توں گھٹ 20 سیکنڈ تائیں

  • جے صابن تے پانی دستیاب نئیں ہوندا اے تے ہینڈ سینیٹائزر جیل دا استعمال کرو

  • جدوں تسی کھنگ کردے او یا نچھ ماردے او تے اپنے منہ تے نک نوں ٹشو یا آستین نال (اپنے ہتھاں نال نئیں) ڈھک لیو

  • ورتے ہوئے ٹشوز نوں فوری طور تے بن اچ پا دیو تے ایہدے بعد اپنے ہتھ دھو لیو

  • اپنی معمول دی صفائی ستھرائی آلی مصنوعات ورتدے ہوئیاں، اوہ شیواں تے سطح جنہاں نوں تسی اکثر ہتھ لاندے او (جیویں دروازے دے ہینڈلز، کیٹلز تے فونز) صاف کرو

  • سانجھی تھاواں اتے ہوندے ہوئیاں چہرے نوں ڈھکنے تے دھیان دیو

  • تسی جیس کمرے اچ رہ رئے او اوس دی تے سانجھی تھانواں دی کھڑکی نوں جیس قدر ممکن ہو سکے، کھلا رکھو

نہ کرو:

  • تولیے دا سانجھا، بشمول ہینڈ ٹاؤلز تے ٹی ٹاؤلز

مہربانی کر کے ہیٹھاں مخصوص حالات ویکھو کہ کی کرنا اے جے تسی یا اوہ بندہ جیس دی تسی دیکھ بھال کردے ہو، اوس اچ علامتاں نظر آندیاں نیں۔

ویکسین لوانا

سارے بنا معاوضہ دے نگہداشت کرن آلے جیہڑے جوائنٹ کمیٹی آن ویکسینیشن اینڈ امیونائزیشن (JCVI) ترجیحی گروپ 6 دے ہیٹھاں اہل نیں، اونہاں نوں ہونڑ اک ویکسین دے لئی مدعو کیتا جانا چائیدا اے۔

جے تسی بغیر معاوضہ نگہداشت کرن آلے او، تے تسی اہل او، بشرط ایہہ کہ تسی یا تے:

  • نگہداشت کرن آلے دے الاؤنس دے اہل او

  • تہاڈے GP دے ولوں پرائمری کیئرر دے طور تے شناخت کیتی گئی اے

  • اپنی مقامی کونسل دے ولوں یا کسے مقامی نگہداشت کار دی تنظیم توں تہاڈی نگہداشت کرن آلے دی تشخیص دے بعد معاونت وصول کرنا

  • کلا یا بنیادی نگہداشت کرن الا جیہڑا قریبی ذاتی نگہداشت فراہم کردا اے یا کسے بزرگ یا معذور بندے دے لئی آمنے سامنے مدد فراہم کردا اے، جیہڑا COVID-19 دے سلسلے اچ طبی لحاظ نال کمزور اے۔

جے تسی اہل او لیکن تسی ویکسین دی پہلی خوراک نئیں لتی اے یا اپائنٹمنٹ تے نئیں گئے او، تے تہانوں اپنے GPپریکٹس نال رابطہ کرنا چائیدا اے۔ بحیثیت نگہداشت کار GPدے نال رجسٹرڈ ہون دے بہت سارے فائدے نیں۔ انج کرن نال نگہداشت کرن آلیاں نوں مقامی امدادی خدمتاں دے بارے اچ مشورہ دتا جا سکدا اے تے کجھ ویکسیناں نوں ترجیح دتی جا سکدی اے جنہاں اچ COVID-19تے فلو دی ویکسین شامل اے۔ تسی دیکھ بھال کرن آلیاں لئی Covid-19 دی ویکسین تے صلاح دے بارے اچ ہور پڑھ سکدے او۔

ایس ویلے ویکسیناں نوں 16 ورھیاں توں گھٹ عمر دے بالاں دے لئی لائسنس نئیں دتا گیا اے۔ جے تہاڈے ویکسین دے بارے اچ کوئی خدشے نیں یا سوال نیں، تے مہربانی کر کے ویکھو:

یا اپنے GP یا متعلقہ ہیلتھ پریکٹیشنر یا سروس نال رابطہ کرو۔

تیار ہون لئی تہانوں کی کرنا چائیدا اے

اسی سارے نگہداشت کرن آلیاں نوں مشورہ دیندے آں، کہ اوہ جیس بندے دی دیکھ بھال کر دے نیں اوہدے نال اک ہنگامی منصوبہ تیار کرن ، جیس نوں ایہوجئے حالات اچ ورت سکو، جدوں دوجے لوکاں دے ولوں دیکھ بھال کرن اچ مدد دی لوڑ پے سکدی ہووے۔ حالات اتے منحصر اے، ایہہ خاندان یا دوستاں، یا نگہداشت فراہم کرن آلے دی مدد ہو سکدی اے۔

اک ہنگامی منصوبہ بنان دے لئی جیہڑا تہاڈی دیکھ بھال کیتے جان آلے بندے دی ضرورتاں دے مطابق ہووے، تہانوں ایہہ کجھ ترتیب دین دی لوڑ ہووے گی:

  • تسی جیس بندے دی دیکھ بھال کردے او اوس دا ناں تے پتہ تے رابطے دی کوئی وی تفصیلاں

  • کسے ہنگامی صورتحال اچ تسی تے تہاڈا ولوں نگہداشت کیتے جان آلا بندہ کس نال رابطہ کرنا چاہندا اے

  • دوائی دی تفصیل جیہڑا اوہ بندہ لیندا اے، تسی جس دی دیکھ بھال کردے او

  • کسے جاری رہن آلے علاج دی تفصیل، جیدی اونہاں نوں لوڑ اے

  • کسے وی طبی ملاقاتاں دی تفصیل اونہاں نوں جیس اتے جان دی لوڑ اے

تہانوں ایہہ وی یقینی بنانا چائیدا کہ ایہہ اس انداز اچ اے جیس دا آسانی نال دوجے لوکاں دے نال سانجھا کیتا جا سکدا اے، جنہاں نوں تہاڈی دیکھ بھال کیتے جان آلے بندہ دے نال اوس منصوبے اتے گل بات کرن دی لوڑ ہووے گی۔

ہور معلومات کیئررز یو کے (Carers UK) اتے لبھی جا سکدی اے۔

تسی اہل خانہ تے دوستاں ولوں مدد تے معاونت دا بندوبست کرن دے قابل ہو سکدے او، لیکن غیر رسمی انتظامات ہون دی صورت اچ اپنی مقامی اتھارٹی یا صحت دی دیکھ بھال فراہم کرن آلیاں دی شمولیت ہونا، تسلی بخش ہو سکدا اے۔ تہاڈے مقامی نگہداشت کرن آلی معاون تنظیم نال رابطہ کرنا وی مددگار ثابت ہو سکدا اے جیہڑی ہنگامی منصوبہ بندی اچ مدد فراہم کر سکدی اے۔ تسی کیئررز یوکے اچ مقامی نگہداشت کرن آلی تنظیماں دے بارے اچ معلومات حاصل کر سکدے او۔

تسی کیئرر ٹرسٹ ویب سائٹ اتے مقامی خدمتاں دے بارے اچ وی معلومات حاصل کر سکدے او۔

جے تسی نوجوان نگہداشت کرن آلے او تے اپنے کنبے تے ایس بندے نا ل گل بات کرو جیس دی تسی دیکھ بھال کردے او کہ جے کوئی بیمار ہو جاندا اے تے تسی کی کجھ کر سکدے او۔ ایس منصوبے نوں لکھ لیو، تے یقینی بناؤ کہ ہر کوئی جانندا اے کہ اینوں کتھے لبھیے۔ تسی ایس نوں کسے تھاں تے چھڈ سکدے او، جتھے سارے ویکھ سکن، جیویں کہ فریج دے دروازے اتے۔

تہانوں چلڈرن سوسائٹی دی نوجوان نگہداشت کار خدمتاں دی ویب سائٹ اتے وی مفید معلومات لبھ سکدی اے۔

کسی ایہوجئے بندے دی دیکھ بھال کرنا جیہڑا طبی لحاظ نال بہتا کمزور اے

COVID-19 توں طبی لحاظ نال انتہائی کمزور لوکاں دی شیلڈنگ تے اونہاں دی حفاظت دے متعلق رہنمائی نوں اپ ڈیٹ کر دتا گیا اے۔ لوکاں دے ایس گروپ دے لئی تازہ ترین مشورے دے لئی مہربانی کر کے ایہہ رہنمائی ویکھو، جیس اچ ‘طبی لحاظ نال انتہائی کمزور’ گروپاں دی تعریف تے کام، سماجی میل جول تے اعانت دے لئی اندراج کران اتے معلومات شامل اے۔

جے اوہ بندہ تسی جیس دی دیکھ بھال کردے او، اوہ اپنے معمول دے معاوضےآلے نگہداشت کار دے گھر دے اندر آن تے باہر جان تے انفیکشن دے خطرے دے متعلق پریشان اے

کمزور تے معذور لوکاں دی دیکھ بھال جاری رکھی جا سکدی اے۔ انفیکشن دے خطرے نوں گھٹ کرن دے نال حفظان صحت دی مناسب سطح حاصل کرن نوں یقینی بنان دے لئی، حکومت نے کورونا وائرس (COVID-19): گھر تے نگہداشت دی فراہمی اچ رہنمائی جاری کیتی اے۔ نگہداشت فراہم کرن آلے نال چنگی صفائی برقرار رکھن دے لئی اونہاں دے اتے عمل دے بارے اچ گل وات کرو۔

ذاتی حفاظتی سامان (PPE)

اسی فی الحال COVID-19دی ضرورتاں دے لئی معاوضے توں بغیر نگہداشت کرن آلیاں لئی مفت PPE پیش کر رئے آں، جیہڑے ایس بندے یا لوکاں دے نال نئیں رہندے، اوہ جنہاں دی دیکھ بھال کر دے نیں۔ ایہہ مارچ 2022 دے اختتام تائیں دستیاب ہون گے تے ایس تائیں مقامی حکام (LAs) تے مقامی لچکداری فورم (LRFs) دے ولوں رسائی حاصل کیتی جا سکدی اے۔

LAsتے LRFsدی تفصیلات دے لئی جیہڑے معاوضے تو ں بغیر نگہداشت کاراں لئی PPE نوں دستیاب بنا رئے نیں، لئی ذاتی حفاظتی سازوسامان (PPE): فراہم کاراں دے لئی مقامی رابطے ویکھو۔ تسی PPE دی درخواست کرن دے لئی اونہاں توں رابطہ کر سکدے او۔

ایہہ پیشکش PPEدی ضرورتاں نوں پورا کرن دے لئی دستیاب اے جیہڑیاں COVID-19 دی وجہ توں پیدا ہوئی نیں۔ جے تسی عام طور تے اپنی دیکھ بھال دی نوعیت دی وجہ توں PPE ورتدے او، تے تہانوں اپنے عام رستیاں توں ایس تائیں رسائی حاصل کرنا جاری رکھنا چائیدا۔

جے تسی ایس بندے یا لوکاں دے نال رہندے او جیس دی تسی دیکھ بھال کردے او، تے تہانوں PPE پان دی لوڑ نئیں جدوں تائیں کہ کسے ہیلتھ کیئر پروفیشنل، جیویں کہGP یا نرس دے ولوں انج کرن دا مشورہ نہ دتا گیا ہووے۔

جے تسی نوجوان نگہداشت کرن آلے او تے اپنے کنبے تے ایس بندے نال گل بات کرو جیس دی تسی دیکھ بھال کردے او جے تہانوں یقین نئیں اے کہ کی کرنا اے۔

معاوضے تو بغیر **نگہداشت کرن آلے دے لئی تجویز کیتیPPE جیہڑے ایس بندے یا لوکاں دے نال نہ رہندے ہون، اوہ جنہاں دی دیکھ بھال کردے نیں

جے تسی ایس بندے یا لوکاں دے نال نئیں رہندے او جنہاں دی تسی دیکھ بھال کردے او، تے ایہہ تجویز دتی جاندی اے کہ دیکھ بھال کردے ویلے تسی PPE پا لیو۔

ایہہ ضروری اے کہ منتقلی دے خطرے نوں گھٹ کرن دے لئی PPEنوں صحیح طریقے نال پایا جاوے۔ تسی جیس بندے دی دیکھ بھال کر رہے ہو اوس توں گھٹ توں گھٹ 2 میٹر دے فاصلے اتے PPE پانا تے اوس نوں اتارنا چائیدا اے۔

PPE نوں صحیح طریقے نال کیس طریقے نال پانا تے لانا اے دے بارے وچ رہنمائی ویکھو اور کی PPE لانی اے دے لئےنال دیتا گیا PPE دا تمثیلی/ تصویری گائیڈ۔ تہانوں جیس قسم دی PPE پانی چائیدی ایس دا انحصار تہاڈی دیکھ بھال دی قسم تے ہووے گا۔

جراحی دے ماسک دی قسم (ٹائپ II/ ٹائپ IIR) جیہڑا تہانوں دتا گیا اے، ایہدے بارے اچ باکس اتے واضح طور تے دسیا جاوے گا۔

منظر ناواں دتی جان آلی دیکھ بھال دی قسم سفارش کیتی PPE
1 ذاتی نگہداشت اچ ایس بندے یا لوکاں نوں ہتھ لانا شامل اے جس دی تسی دیکھ بھال کردے او - ایپرن
- دستانے
- قسم IIR سرجیکل ماسک
- اکھاں دی حفاظت ، بھانویں اک وائزر یا عینکاں ، نوں ورتیا جا سکدا اے (نسخے آلی عینکاں اکھاں دی حفاظت نئیں ہوندیاں نیں) جے جسمانی رطوبطاں دے نال ہتھ لغن دا خطرہ ہووے (مثال دے طور تے، کیوں جے جیس بندے دی تسی نگہداشت کر رئے او، اوس نوں کھنگ ہوندی اے)

ایہہ PPE اوس ویلے وی لاگو ہوندا اے جدوں اوہ بندہ یا لوکی جنہاں دی تسی دیکھ بھال کر دے او اوہ طبی لحاظ نال COVID-19 دے ودھ کے خطرے اچ ہون۔
2 جدوں تسی ایس بندے یا لوکاں دے گھر اچ ہوو جیس دی تسی دیکھ بھال کردے او، کھنگ اچ مبتلا بندہ دے 2 میٹر دے اندر ہوو (بھانویں تسی اوس دی دیکھ بھال کر رئے او یا نئیں) یا جس دا مثبت Covid-19 ٹیسٹ ہووے یا اوہ الگ رہ رئیا ہووے - ایپرن
- دستانے
- قسم IIR سرجیکل ماسک
- اکھاں دی حفاظت ، بھانویں اک وائزر یا عینکاں ہون، نوں ورتیا جا سکدا اے (نسخے آلی عینکاں اکھاں دی حفاظت نئیں ہوندیاں نیں) جے جسمانی رطوبطاں دے نال ہتھ لغن دا خطرہ ہووے (مثال دے طور تے، کیوں جے جیس بندے دی تسی نگہداشت کر رئے او، اوس نوں کھنگ ہوندی اے)

ایہہ PPE اوس ویلے وی لاگو ہوندا اے جدوں اوہ بندہ یا لوکی جنہاں دی تسی دیکھ بھال کر دے او اوہ طبی لحاظ نال COVID-19 دے ودھ کے خطرے اچ ہون۔
3 جدوں تسی ایس بندے یا لوکاں توں 2 میٹر دے فاصلے اچ ہوندے او جیس دی تسی دیکھ بھال کر دے او (کسے وی وجہ توں) لیکن اونہاں نوں ہتھ نئیں لاندے او - قسم II یا قسم IIR دا سرجیکل ماسک
- کسے ایپرن تے دستانے دی لوڑ نئیں اے (جدوں تائیں کہ تسی عام طور تے اونہاں نوں اپنے ایس کم دے لئی استعمال کر دے او - مثال دے طور تے، صفائی)

ایہہ PPE اوس ویلے بھی لاگو ہوندا اے جدوں اوہ بندہ یا لوکی جنہاں دی تسی دیکھ بھال کردے او اوہ طبی لحاظ نال COVID-19 دے ودھ کے خطرہ اچ ہون۔
4 جدوں تسی ایس بندے یا لوکاں دے گھر اچ ہوندے او جیس دی تسی دیکھ بھال کردے او، تے اونہاں توں 2 میٹر توں ودھ دور ہوندے او - قسم I، قسم II یا قسم IIR دا سرجیکل ماسک

ایہہ PPE ایس ویلے بھی لاگو ہوندا اے جدوں اوہ بندہ یا لوکی جنہاں دی تسی دیکھ بھال کردے او اوہ طبی لحاظ نال COVID-19 دے ودھ کے خطرے اچ ہون۔

ایہہ وی ویکھو:

ڈسپوز ایبل دستانے تے ایپرن نوں صرف اک واری استعمال کیتا جا سکدا اے، تے دیکھ بھال کرن دے ہر کم دے بعد اونہاں نوں فوراً ای، اپنے ہتھ صاف کرن توں پہلاں، ضائع کر دینا چائیدا اے (مثال دے طور تے، تسی جیس بندے دی دیکھ بھال کردے او اوس نوں غسل دین دے بعد یا تہاڈی طرفوں دیکھ بھال کیتے جان آلے بندے نوں کھانا کھوان توں بعد)۔

تسی جدوں ماسک نوں پایا ہووے، ایس نوں ہتھ نئیں لانا چائیدا، ماسوائے جدوں کہ تسی ایس نوں پاندے او، یا ایس نوں لاندے او۔ اپنے ماسک نوں اک واری اپنے منہ توں ہٹان، اپنی ٹھوڑی توں تھلے لان، یا جدوں ایہہ ٹٹ جاوے یا خراب ہو جاوے، گندہ ہو جاوے، گیلا، یا استعمال کرن لئی غیرآرام دہ بن جاوے، تے ایس نوں تلف کر دینا چائیدا اے۔ جدوں ہٹا دتا جاندا اے، تے تہانوں اپنی اگلی نگہداشت دے دورے دے لئی اک نواں ماسک استعمال کرن دی لوڑ ہووے گی۔

تہانوں ایس رہنمائی دے مشوریاں اتے عمل کرنا جاری رکھنا چائیدا تے اونہاں لوکاں دی حفاظت دے بارے اچ رہنمائی اتے عمل کرنا چائیدا اے جیہڑے طبی طور تے کورونا وائرس دے برخلاف بہتی کمزور ہون، کہ اپنی حفاظت کیویں کریے تے اونہاں لوکاں دی تسی جنہاں دی نگہداشت کردے او۔

جے تسی نوجوان نگہداشت کرن آلے او تے اپنے کنبے تے ایس بندے نال گل بات کرو جیس دی تسی دیکھ بھال کردے او جے تہانوں یقین نئیں اے کہ کی کرنا اے۔ تسی اپنے سماجی کارکن نال (جے تہاڈے کول موجود اے) اپنی مقامی اتھارٹی نال رابطہ کرن دے بارے اچ وی گل بات کر سکدے او تاں جے ایہہ سمجھن دے لئی کہ تہاڈے لئی کی ممکن اے تے کی موزوں اے۔

اسی ایس صورتحال نوں زیر غور رکھے ہوئے آ ں ۔

جے تہانوں باہر جانا پئے تے چہرے نوں کج لینا

کجھ ایسی تھانواں نے جتھے تہانوں قانون دے مطابق چہرے نوں کجنا لازمی اے، جدوں تائیں کہ تہانوں چھوٹ نہ ہووئے یا کوئی معقول عذر نہ ہووے۔ اس بارے اچ معلومات دے لئی ویکھو کہ تہانوں کیہڑی تھاں اتے چہرے دا ماسک پانا چائیدا تے کتھے چھوٹ دتی گئی اے۔

تہاڈی دوجی بند عوامی تھانواں اتے وی فیس کورنگ یعنی ماسک پان دی بھرپور حوصلہ افزائی کیتی جاندی اے جتھے معاشرتی دوریاں اوکھی ہو سکدی نیں تے جتھے تسی اونہاں لوکاں دے نال رابطہ اچ آندے او جنہاں نال تسی عام طور تے ملاقات نئیں کر دے او۔

اپنے چہرے نوں موزوں طریقے دے نال کجنا اہم اے تے اونہاں نوں پان تے ا اتارن توں پہلاں اپنے ہتھ دھوو۔ تسی گھر اتے وی فیس کوورنگ بنا سکدے او۔ فیس کوورنگ دے نال تہاڈا منہ تے نک نوں ڈھکیا جانا چائیدا اے۔

جے تسی جس دی دیکھ بھال کردے اوہ کیئر ہوم اچ ہووے

جے تہانوں کوئی وی علامتاں نئیں نیں، تے تہانوں رہائشی لوکاں دے نال رابطے اچ رہن دے لئی کسے وی مقامی انتظام نوں سمجھن دے لئی کیئر ہوم دے نال رابطے اچ رہنا چائیدا تے اوتھے ملن جاندیاں ہوئیاں کیئر ہوم دی رہنمائی یا ہدایتاں تے عمل کرو۔

دوجیاں دی دیکھ بھال کردے ہوئیاں اپنی صحت نوں برقرار رکھنا

خاص طور تے موجودہ وقت اچ اضافی دباؤ دے امکان نوں مدنظر رکھدے ہوئیاں، ایہہ اہم اے کہ تسی اپنی صحت تے تندرستی دا خیال رکھو، ایہدے نال دوجیاں دی مدد کرو، جنہاں دی تسی دیکھ بھال کر دے او۔ دماغی صحت تے صحت مند ہونے دے بارے اچ عوام دے لئی تے اپنی چنگی حیاتی دے لئی آپوں اپنی دیکھ بھال دے بارے اچ رہنمائی اچ عمومی معلومات ، ایہدے نال، وباء دے دوران ذہنی صحت تے تندرستی دے لئی مدد دے ذرائع موجود ہن ۔ ایس اچ ایناں لوکاں دے لئی وی کجھ مخصوص مشورے شامل نیں جنہاں نوں ڈیمینشیا، آٹزم، سیکھن دی معذوری یا دماغی صحت دی اضافی ضروریات نیں۔

تجویزاں اچ اپنے دماغ دے نال اپنے جسم دا وی خیال رکھنا تے جے تہانوں لوڑ ہووے تو مدد کرنا شامل اے۔ روزانہ جسمانی سرگرمی صحت تے تندرستی دے لئی اہم اے، بشمول تناؤ نوں منظم کرنا، تے مثبت جذبات تے نیند ر دی حوصلہ افزائی کرنا۔ تسی پبلک ہیلتھ انگلینڈ (PHE) توں ورزشاں دے خیالات وی لبھ سکدے او جیہڑی تسی گھر اچ ای کر سکدے او ۔

مدد اتے توجہ دیو، جیہڑی تہانوں ایس ویلے دے دوران اپنے دوستاں، کنبے تے دوجے نیٹ ورک دے ولوں مل سکدی اے۔ اپنے آلے دوالے موجود لوکاں دے نال فون اتے، ڈاک دے ولوں، یا آن لائن ہو کے رابطے اچ رہن دی کوشش کرو۔ لوکاں نوں دس دیو کہ تسی کیویں رابطہ اچ رہنا چاہندے او تے ایس نوں اپنے معمول دے اچ شامل کرو۔ ایہہ تہاڈی ذہنی تندرستی دی دیکھ بھال کرن اچ وی اہم اے تے تہانوں اونہاں نال اپنے احساسات دے بارے اچ گل بات کرنا تہانوں مددگار محسوس ہو سکدا اے۔

یاد رکھو اپنے خدشات دا دوجیاں نال سانجھا کرنا وی ٹھیک اے جنہاں اتے تسی اعتماد کردے او تاں جے تسی اونہاں نوں معاونت فراہم کر سکو۔ یا تسی NHS دی تجویز کیتی ہیلپ لائن استعمال کر سکدے او ۔

جے تہانوں سپیشلسٹ یا ماہر مدد یا معاونت دی لوڑ اے، تے سارے NHS مینٹل ہیلتھ ٹرسٹس نوں ہر عمر دے لوکان دی مدد دے لئی 24/7 کھلی رسائی ٹیلیفون لائناں فراہم کیتیاں ہوئیں نیں تے بالاں تے جواناں نوں ذہنی صحت دی فراہمی جاری رکھے ہوئے اے۔ ایناں لائناں نال کیویں رابطہ کرنا ایس بارے اچ ہور معلومات تہاڈی مقامی مینٹل ہیلتھ ٹرسٹ دی ویب سائٹ دے ولوں دستیاب اے۔

مقامی نگہداشت کرن آلی معاون تنظیم نال تہاڈا رابطہ کرنا مددگار وی ثابت ہو سکدا اے جیہڑی ہنگامی منصوبہ بندی اچ مدد فراہم کر سکدی اے۔ تسی کیئررز یوکے اچ مقامی کیئرر تنظیموں دے بارے اچ معلومات حاصل کر سکدے او۔ کیئررز یوکے اتے اک آن لائن فورم وی موجود اے۔

پبلک ہیلتھ انگلینڈ نے وبائی مرض دے دوران بالاں تے نوجواناں دی ذہنی صحت تے فلاح و بہبود دے تعاون بارے اچ رہنمائی تیار کیتی اے تے اوس دے ‘ایوری مائنڈ میٹرز’ تے ‘رائز ابوو ‘ پلیٹ فارم اچ بالاں تے نوجواناں دے لئی معلومات موجود اے۔

نوجوان نگہداشت کرن آلے تے جوان بالغ نگہداشت کرن آلے بالاں دی سوسائٹی ویب سائٹ اتے مفید معلومات لے سکدے ہن ۔

نوجوان نگہداشت کرن آلے

جے تسی نوجوان نگہداشت کرن آلے او، فیر تسی اوس بندے دی اجازت نال دوائیاں لے سکدے او جیس دی تسی دیکھ بھال کر رئے او۔ جے کجھ فارماسسٹ نوں ایہہ مناسب نئیں لگدا اے فیر او تہانوں دوائیاں دین توں انکار وی کر سکدے نیں۔

جے تسی عام طور تے اوس لئی نسخے وصول کر دے او جیس دی تسی دیکھ بھال کر دے او تے تسی خود نوں الگ تھلگ کر رئیے او، فیر تہانوں متبادل انتظام لبھنا چائیدا اے۔ جے ممکن ہو وے تاں مدد لئی دوستاں تے خاندان دی ولوں مدد لین دی کوشش یا مدد طلب کرنی چائیدی اے۔

اسکول تے تعلیم

اسکول یا کالج اچ شرکت کرنا

قومی لاک ڈاؤن دے دوران، اسکول تے کالج زدپذیر بچیاں تے نازک شعبے دے کارکناں دے بالاں دی سائٹ تے حاضری لئی کھلے رئیے نیں۔ 8 مارچ توں سارے بال تے طلباء اسکول یا کالج واپس آئے نیں تے ایس تریخ توں اک واری فیر حاضری لازمی بن گئی اے۔ تازہ ترین والدین تے نگہداشت کرن آ لیاں ، طلباء تے یونیورسٹی دے طلباء، اساتذہ تے تعلیمی ادارہ دے لیڈرز لئی رہنمائی پڑھو۔

جے تسی کسے وی ویلے اسکول یا کالج جان اچ پرسکون محسوس نئیں کر رئے او، یا اپنے گھرانے دے کسے فرد یا جیس دی تسی دیکھ بھال کر دے او اوس دی صحت دے بارے اچ کوئی خدشات نیں، تہانوں اپنے اسکول یا کالج تے سماجی کارکن نال (جے تہاڈے کول کوئی ہیگا) ایس بارے اچ گل بات کرنی چائیدی اے۔

اپنے اسکول یا کالج ولوں معاونت

تہاڈا اسکول، کالج یا سماجی کارکن (جے تہاڈے کول کوئی ہیگا) تہاڈی تعلیم اچ مدد دین دے قابل ہو سکدا اے، مثال دے طور تے، تہانوں کم لئی ہور ویلا دے کے یا تہانوں مقامی نوجوان نگہداشت کرن آلیاں دی خدمتاں نال رابطہ کرا سکدے نیں۔

جے تہانوں یقین نئیں اے کہ کی تہاڈے اسکول یا کالج نوں معلوم اے کہ تسی اک نوجوان نگہداشت کرن آلے او، تسی کسے ٹیچر، اسکول نرس یا کسے اعتماد دے بندے نال گل بات کر سکدے او تے اونہاں نوں کہہ سکدے او تہانوں ہور مدد دی لوڑ اے۔

تسی اے وی چاہ سکدے او کہ تہاڈے اسکول یا کالج نوں معلوم نہ ہووے کہ تسی کسے دی دیکھ بھال کر رئیے او۔ پر جے او اے گل جانندےنیں، فیر او سمجھ جان گے کہ تہاڈے لئی معاملات کدی کدار اوکھے ہو سکدے نیں۔ گھٹ توں گھٹ اک استاد یا اسکول نرس نوں اے گل دسنا اک اچھا خیال اے کہ تسی نگہداشت کرن آلے بندے او۔ اک نوجوان کیئرر سپورٹ ورکر وی مدد کر سکدا اے۔ تسی اپنے اسکول دے/دی نرس نال پراعتماد طور تے گل بات کر سکدے او۔

جے تہانوں لگدا اے کہ تسی مفت اسکول یا کالج دے کھانیاں دے اہل او پر پہلاں ایناں تائیں رسائی حاصل نئیں کیتی اے، تے اسکول، کالج تے مقامی حکام اسکول تے کالج دے کھانیاں دی درخواستاں نوں قبول کرنا جاری رکھیا ہویا اے۔ اسکول دے مفت کھاناں لئی درخوست دین لئی اہلیت دا معیار (اسکولاں لئی)، یا ہور فنڈ شدہ تعلیمی اداریاں اچ مفت کھانے (کالجاں لئی) ویکھو، تسی اپنے کالج یا ہور تعلیمی ادارے نال وی گل کر سکدے او جو تہانوں مشورہ دین دے قابل ہون گے۔

ہور معاونت نوجوان نگہداشت کرن آلیاں لئی NHS معاونت دا صفحےتوں لبھی جا سکدی اے۔

تہاڈی یونیورسٹی دے ولوں معاونت

یونیورسٹیاں آزاد نیں تے اونہاں دی فراہم کیتی جان آلی معاونت وکھری ہو وے گی۔ تہانوں اپنے ادارے اچ اپنے اعتماد دے کسے بندے نال کسے وی معاونت دے بارے اچ گل بات کرنی چائیدی اے جیہڑی تہاڈے لئی دستیاب ہو سکدی اے۔

تازہ ترین یونیورسٹی دے طلباء لئی رہنمائی پڑھو۔ تسی یونیورسٹیاں دے بارے اچ معلومات ، تے تازہ ترین اعلانات دے متعلق وی میڈیا بلاگ اچ تعلیم اتے لبھ سکدے او۔

معاونت حاصل کرنا

ایہہ ضروری اے کہ تسی ایس گل تے غور کرو کہ تہانوں کس مدد دی لوڑ ہو سکدی اے تے اپنی صحت تے تندرستی نوں برقرار رکھن لئی تسی معاونت تائیں کس طرح رسائی حاصل کر سکدے او۔

نگہداشت توں وقفہ فراہم کرن اچ معاونت

(COVID-19) کورونا وائرس دی پابندیاں: تسی کی کر سکدے او تے کی نئیں کر سکدے او ویکھو۔

اک زد پذیر بندہ (جیس اچ اک بنیادی صحت دے عارضے اچ مبتلا بندہ وی شامل اے) یا کسے معذور بندے نوں مہلت دی نگہداشت فراہم کرن دی اجازت توں چھوٹ حاصل اے۔ ضابطیاں دی ‘ایک زدپذیر بندہ’ دی تعریف اچ حاملہ یا 70 سال یا ایس توں ودھ عمر دا حامل کوئی وی بندہ شامل اے۔ ایس معلومات لئی فہرست ویکھو کہ طبی طور تے انتہائی کمزور گروپ دی رہنمائی اچ کس نوں طبی لحاظ توں انتہائی کمزور سمجھیا جاندا اے۔

ضابطے نگہداشت کرن آلیاں نوں اہل خانہ تے دوستاں توں مہلت تائیں رسائی حاصل کرن دی اوتھے اجازت دیندے نیں جتھے زدپذیر یا معذور فرد یا کسے بنیادی صحت دے عارضے اچ مبتلا افراد لئی مہلت دی دیکھ بھال فراہم کرنا مناسب طور تے ضروری اے۔

ایس دا مطلب اے کہ تسی عام طور تے جس بندے نوں نگہداشت فراہم کر دے او اوس نوں نگہداشت فراہم کرن لئی کسے ہور ولوں فراہم کرن لئی اہل خانہ تے دوستاں نال بندوبست کر سکدے او، تاکہ تسی وقفہ لین دے قابل ہو سکو۔ ایس اچ کسے وی بندے دا اوس فرد دے گھر آنا وی شامل اے جیس دی تسی دیکھ بھال کر دے او، جیہڑی رات بھر ہو سکدی اے۔ ایس دا اے وی مطلب اے کہ تہاڈی نگہداشت اچ بندہ، دیکھ بھال موصول کرن لئی کسے دوجے دے گھر جا سکدا اے، جیہڑی کہ او وی راتوں رات ہو سکدی اے، تاں جے تہانوں اک وقفہ فراہم کیتا جا سکے۔ ایناں ساریاں مثالاں اچ، تہاڈی نگہداشت اچ بندے نوں مہلت دی نگہداشت فراہم کرن دے مقصد لئی بندوبست دا معقول حد تائیں ہونا لازمی اے۔

وقفے دی نگہداشت دے بندوبست کر دے ہوئے گھرانے اچ بالغاں دی تعداد توں کوئی فرق نئیں پیندا اے، شرط ایہہ کہ انتظامات مناسب طور تے ضروری نیں تے تہاڈی نگہداشت اچ فرد نوں فراہم کیتی وقفے دی نگہداشت دے برابر نیں۔ جیہڑے کجھ تہاڈے لئی، تہاڈی نگہداشت اچ بندے لئی تے متبادل نگہداشت فراہم کرن آلے لئی موزوں اے او تہاڈے اپنے حالات تے منحصر ہوندا اے۔

سپورٹ ببل ( مدد دا دائرہ)

سپورٹ ببل نوں ودھا دتا گیا اے۔

تسی یا تہاڈا خاندان کسے دوجے (کسے وی حجم دے) گھرانے نال سپورٹ ببل تشکیل دین دے اہل ہو سکدا اے۔ ذیل اچ مختلف طریقے نیں کہ کس طرح سپورٹ ببل نوں تشکیل دتا جا سکدا اے۔

  • تسی اپنے طور تے رہن دے او – بھانویں نگہداشت کرن آلے معاونت فراہم کرن لئی تہاڈا دورہ کر دے نیں

  • تہاڈے گھرانے اچ اک بچہ موجود اے جو اک سال توں گھٹ عمر اے یا 2 دسمبر 2020 نوں ایس عمر توں گھٹ سی

  • تہاڈے گھر اچ اک معذور بچہ موجود اے جیس نوں مستقل نگہداشت دی لوڑ ہوندی اے تے اوس دی عمر 5 سال توں گھٹ اے، یا 2 دسمبر 2020 نوں ایس عمر توں گھٹ عمر سی

  • تسی 18 سال توں گھٹ عمر دے بچے او تنہا رہندے او یا دوجے بچیاں نال تے کسے وڈے فرد توں بغیر

  • تسی اک یا ودھ بچیاں نال رہن آلے اک کلے بالغ فرد او جیس دی عمر 18 سال توں گھٹ اے یا 12 جون 2020 نوں ایس عمر توں گھٹ سی

  • تسی (بھانویں 18 سال توں گھٹ او یا نئیں او) اپنے گھرانے دے واحد فرد او جیس نوں کسے معذوری دی وجہ توں مستقل دیکھ بھال دی لوڑ نئیں ہوندی اے

  • تسی (بھانویں 18 سال توں گھٹ او یا نئیں او) اک یا ودھ ایس طرح دے افراد نال رہندے او جیس نوں معذوری دی وجہ توں لگاتار دیکھ بھال دی لوڑ ہوندی اے، تہانوں کوئی معذوری نئیں اے لیکن تسی دوجیاں نال وی رہندے او جنہاں نوں معذوری نئیں اے، جنہاں وچوں صرف اک ای 18 سال توں ودھ عمر دا اے

مثال دے طور تے، اک بالغ فرد جو اپنے شریک حیات لئی لگاتار نگہداشت فراہم کر دا اے جیس نوں معذوری دے نتیجے اچ ایس دیکھ بھال دی لوڑ ہوندی اے، اپنے والدین نال اک سپورٹ ببل تشکیل دے سکدا اے جو کسے دوجے مکان اچ مل کے رہندا اے۔

اک ہور مثال اک نوجوان نگہداشت کرن آلا اے، جیس دی عمر 18 سال توں گھٹ اے، جو اپنے والدین نال رہندا اے جنہاں دوناں نوں معذوری دی وجہ توں لگاتار نگہداشت دی لوڑ ہوندی اے۔ متبادل طور تے، ایکو جیا منظرنامہ، لیکن نوجوان نگہداشت کرن آلا دوجے بھائی پہناں نال وی رہندا اے، اونہاں وچوں صرف اک 18 سال دا اے۔ دوناں طرح دے گھرانے اپنے دادا دادی نال اک سپورٹ ببل تشکیل دے سکدے نیں جو کسے ہور مکان اچ کٹھے رہندے نیں۔

تہانوں ایہوجئے گھرانے نال سپورٹ ببل تشکیل نئیں دینا چاہیدا اے جیہڑے کسی ہور سپورٹ ببل دا حصہ اے۔ سپورٹ ببل تے لاگو ہون آلے دوجے قوانین دے بارے اچ، بشمول او جدوں ختم ہون گے، تے ببل نوں جیس طرح تبدیل کرنا اے اوس دے متعلق ہور معلومات لئی، سپورٹ ببل بنان تے ورتن دے بارے اچ رہنمائی ویکھو۔

رضاکاراں دی طرفون معاونت

تسی NHS رضاکار ردعمل کاراں توں وی مدد حاصل کر سکدے او جو تہانوں دوائیاں لین یا خریداری کرن ورگے کم اچ مدد کر سکدے نیں۔ NHS دے رضاکار ردعمل کار جیس مدد دی پیشکش کر سکدے نیں اوس دے بارے اچ معلومات ایتھے موجود نیں۔

تسی سویرے 8 توں شام 8 دے درمیان ‎0808 196 3646 تے کال وی کر سکدے او۔

نگہداشت کار دی تشخیص

جے تہانوں نگہداشت اچ مدد دی لوڑ اے، تسی نگہداشت کرن آلے دی تشخیص لئی اپنی مقامی کونسل توں رابطہ کر سکدے او۔ اے ضروری نئیں کہ تسی اوس بندے نال رہندے ہو جیس دی تسی نگہداشت کر رئیے او تے تہاڈے تشخیص دے حق نوں تہاڈی طرفوں دتی جان آلی نگہداشت دی قسم یا مقدار توں یا تہاڈے مالی ذرائع توں متاثر نئیں کیتا جاوے گا۔ نگہداشت کرن آلے دی تشخیص مفت ہیگی۔ ایہہ تہاڈی نگہداشت اچ بندے دی لوڑ دے جائزے توں الگ اے، لیکن تسی دوناں نوں ایکو ویلے اچ کران دا کہہ سکدے او۔

تہاڈی فراہم کیتی جان آلی دیکھ بھال دی مقدار یا قسم، تہاڈے مالی ذرائع یا تہاڈے مدد لئی لوڑ دے درجے توں قطع نظر، تسی جائزے دے مستحق ہوگے۔ جائزہ کران لئی ضروری نئیں اے کہ تسی اوس بندہ دے نال رہندے او جیس دی تسی دیکھ بھال کر رئیے او یا کل وقتی دیکھ بھال کر رئیے او۔

جے تہانوں اک دی پیشکش نئیں کیتی گئی اے، تسی اپنی مقامی اتھارٹی توں رابطہ کر سکدے او۔ اپنی مقامی سماجی خدمتاں دی ٹیم لبھو۔

نوجوان نگہداشت کرن آلے، نوجوان نگہداشت کرن آلاں دی لوڑ دے جائزے دی وی درخواست کر سکدے نیں۔ تسی اپنے معاونت کارکن نال گل کر سکدے او۔ جے تہاڈے کول کوئی معاونت کارکن نئیں اے، فیر تسی اپنے سماجی کارکن یا مقامی اتھارٹی توں اک حاصل کرن لئی گل بات کر سکدے او۔

نگہداشت کرن آلے دا الاؤنس

تسی نگہداشت کرن آلے دا الاؤنس لئی اہل ہو سکدے او جے تسی، او بندہ جس دی تسی نگہداشت کردے او تے جس قسم دی دیکھ بھال تسی فراہم کر دے او، او مخصوص معیاراں تے پوری اتردی اے۔ تہانوں کسے دی دیکھ بھال کرن اچ ہفتے اچ گھٹ توں گھٹ 35 گھنٹے گزارن دی لوڑ اے۔ ایس اچ شامل ہو سکدے نیں:

  • کپڑے دھون تے کھانا پکان اچ مدد کرنا

  • اپنی نگہداشت اچ بندے نوں ڈاکٹر کو ل ملاقات کرن لئی تے جانا

  • گھرانے دے کماں اچ مدد کرنا، جیویں بلدینا تے خریداری کرنا

جے تسی یا تہاڈی نگہداشت اچ بندہ کورونا وائرس توں متاثر ہو جاندا اے، تاں جے تسی دوروں دیکھ بھال فراہم کر دے او فیر وی تسی نگہداشت کرن آلے دا الاؤنس دا دعوٰی کر سکدے او۔ ایس اچ فون یا آن لائن جذباتی مدد دینا شامل اے۔

نگہداشت کرنے آلے دے الاؤنس دی اہلیت دے بارے اچ معلومات تے اے وی کہ ایس لئی کس طرح درخواست دینی اے ویکھو۔

جے تہاڈی عمر 16+ اے تے ہفتے اچ گھٹ توں گھٹ 35 گھنٹے دیکھ بھال کر رئیے او فیر تسی وی نگہداشت کرن آلے دے الاؤنس لئی اہل ہو سکدے او۔ تسی چلڈرن سوسائٹی ویب سائٹ تے مالی اعانت دے بارے اچ جانکاری حاصل کر سکدے او۔

معاونت دے ہور ذریعے

معلومات یا معاونت دے ہور ذریعاں لئی، تسی اپنی مقامی اتھارٹی دی ویب سائٹ تے معلومات لبھ سکدے او یا تسی اپنی مقامی اتھارٹی توں رابطہ کر سکدے او۔

تسی کیئررز یوکے تے کیئررز ٹرسٹ دی ویب سائٹ وی ویکھ سکدے او۔

مدد تے معاونت جے تسی نوجوان نگہداشت کرن آلے او

تہاڈا اسکول، کالج یا سماجی کارکن (جے تہاڈے کول کوئی ہیگا) تہاڈی تعلیم اچ مدد دین دے قابل ہو سکدا اے، مثال دے طور تے، تہانوں کم لئی ہور ویلا دے کے یا تہانوں مقامی نوجوان نگہداشت کرن آلاں دی خدمتاں نال رابطہ کرا سکدے نیں۔

جے تہانوں یقین نئیں اے کہ کی تہاڈے اسکول یا کالج نوں معلوم اے کہ تسی اک نوجوان نگہداشت کرن آلے او، تسی کسے استاد ، اسکول نرس یا کسے اعتماد دے بندے نال گل بات کر سکدے او تے اونہاں نوں کہہ سکدے او تہانوں ہور مدد دی لوڑ اے۔

اسکول نرساں نوں نگہداشت وصول کرن آلے سارے لوکاں دی رازداری نال کم لین دا فریضہ دتا گیا اے۔ ایس دا مطلب اے کہ او تہاڈے والدین تے اساتذہ سمیت دوجیاں نال خفیہ صحت دی معلومات دا سانجھا کرن لئی تہاڈی رضامندی لین گے سوائے کہ جے اونہاں نوں لگدا اے کہ تہاڈی ذاتی حفاظت نوں خطرہ اے۔ جے اونہاں نوں لگدا اے ایس طرح ہو سکدا اے، فیر او کوئی قدم چکن توں پہلاں تہاڈے نال ایس بارے اچ گل کرن گے۔

جے تسی یا تہاڈے خاندان دے کسے فرد دا کوئی سماجی کارکن اے، تسی اونہاں نال اے کہن لئی رابطہ کر سکدے او کہ تہانوں لگدا اے کہ جے کوئی بیمار ہو جاندا اے فیر تہانوں ہور مدد دی لوڑ پئے گی۔

تسی دوستاں، گھر آلیاں نوں کہہ سکدے او یا آن لائن خدمتاں جیویں کے NHS رضاکار جواب دہندگان نوں ورت سکدے او کہ کی او تہاڈی خریداری دا سامان پہنچان اچ مدد کر سکدے نیں یا دوجے طریقاں توں تہاڈی مدد کر سکدے نیں۔

جے کوئی ایسا بندہ تہاڈی سمجھ اچ نئیں آ رئیا اے جیہڑے تہاڈی مدد کر سکدا اے، یا جے کوئی ہور اے نئیں جاندا اے کہ تسی اک نوجوان نگہداشت کرن آلے او، فیر تسی مقامی نوجوان کیئررز سروس توں رابطہ کر سکدے او تے اونہاں نوں ایہہ دس سکدے او کہ تہانوں لگدا اے کہ تسی نوجوان نگہداشت کار او تے تہانوں کجھ مدد چائیدی اے۔ تسی مقامی سپورٹ گروپ وی لبھ سکدے او یا چلڈرن سوسائٹی دے نگہداشت کرن آلے نوجواناں دی خدمتاں نال رابطہ کرسکدے او۔

ہیلپ لائن

جے تسی کسے نال گمنام طور تے گل بات کرنا چاہندے او، تے تسی ہیلپ لائنز اتے کال کر سکدے او یا تھلے دتی گئی ویب سائٹ تے جا سکدے او:

چائلڈ لائن کسے وی نوجوان بندے نوں پریشانی دا سامنا کرن دے لئی ٹیلیفون اتے خفیہ صلاح مشورے دی خدمت فراہم کردی اے۔ ایہہ اطمینان دیندی اے، نصیحت تے حفاظت کردی اے۔ تسی ایہہ کر سکدے او:

ویب سائٹس

ہور معاونت نوجوان نگہداشت کرن آلاں لئی NHS معاونت دا صفحہ توں لبھی جا سکدی اے۔

چلڈرنز سوسائٹی اچ نوجواناں تے پیشہ ور لوکاں دے لئی، کورونا وائرس دے بارے اچ ج معلومات موجود اے جیس اچ ٹولز، وسائل تے سرگرمیاں، ایہدے نال نوجوان نگہداشت کرن آلیاں لئی چنگی حیاتی دی تجویزاں وی شامل نیں۔

کورونا وائرس دے بارے نوجوان لوکاں دے لئی کیئررز ٹرسٹ اچ ج معلومات موجود نیں

جے توہڈ یاں یا ایس بندہ دیاں کہ جس دی تسی دیکھ بھال کردے او اوس دی علامتاں، اک مثبت ٹیسٹ اے یا مثبت ٹیسٹ آلے کسے بندے نال قریبی رابطہ ہوندا اے

جے تہانوں کورونا وائرس دی علامتاں ہون

گھر اچ روو : ممکنہ یا تصدیق شدہ کورونا وائرس (COVID-19) دے انفیکشن آلے گھرانیاں دے لئی رہنمائی، تاں جے تنہائی دے ویلیاں دے متعلق ودھ کے معلومات نال تے تہانوں کی کرنا چائیدا تے کی نئیں کرنا چائیدا جے تہانوں کورونا وائرس دی علامتاں ہون، اک مثبت ٹیسٹ اے یا کسی ایہوجئے بندے نال قریبی رابطہ اے، جیس دا ٹیسٹ مثبت آیا اے۔

COVID-19 دی علامتاں یا کسی مثبت ٹیسٹ دے نتیجے اچ کسی وی بندے نوں گھر اچ رہنا چاہندا تے خود نوں فوری الگ تھلگ رکھنا چائیدا اے۔ ایس دی وجہ ایہہ اے کہ تسی انفیکشن دوجیاں نوں منتقل کر سکدے او، ایتھے تائیں کہ جے تہانوں کوئی علامتاں نہ ہون۔

جے تسی NHSٹیسٹ تے ٹریس دے ولوں کسے اطلاع دے بعد خود نوں الگ نئیں کردے او تے تہاڈے تے جرمانہ عائد کیتا جا سکدا اے۔ جے تہانوں گھر اچ ہی رہنا پیندا اے تے اپنے آپ نوں الگ تھلگ کرنا پیندا اے، تے تسی NHS ٹیسٹ تے ٹریس سپورٹ ادائیگی اسکیم دے ذریعے 500 £دی یکبارگی ادائیگی دے مستحق ہو سکدے او۔

نگہداشت دے متبادل انتظامات کرنا

تہانوں ہیٹھاں دتیاں حالات اچ دیکھ بھال دی فراہمی دے متبادل انتظامات کرن دی کوشش کرنی چائیدی اے:

  • تسی تے جس بندے دی تسی دیکھ بھال کردے او ، اوہدے نال نئیں رہندے او تے تہاڈے دونواں اچوں کسے نوں وی علامتاں ہو سکدی نیں یا مثبت ٹیسٹ دی اطلاع مل جاندی اے

  • تسی تے اوہ بندہ جیس دی تسی دیکھ بھال کر دے او اوہ نال نئیں رہندے نیں، تے تہاڈے دونواں اچوں کسے نوں مطلع کیتا جاندا اے کہ تسی کسے مثبت ٹیسٹ آلے بندے دے نال قریبی رابطے اچ او

  • تسی تے اوہ بندہ جیس دی تسی دیکھ بھال کر دے او اوہ نال نئیں رہندے او تے تہاڈے گھرانے دے اندر کسے نوں علامتاں نیں یا مثبت ٹیسٹ آندا اے

  • جے دیکھ بھال کرن آلے رشتیاں اچوں اک فرد (یا تے نگہداشت کرن آلا یا اوہ فرد جیس دی دیکھ بھال کیتی جا رئی اے) طبی لحاظ نال بوہتی کمزور اے یا شیلڈ کر رئیا اے تے دوجے بندے نوں علامتاں ہون یا مثبت ٹیسٹ آندا اے

متبادل نگہداشت دا بندوبست کرن دے لئی، تسی اپنی مقامی اتھارٹی نال رابطہ کر سکدے او یا اپنے نگہداشت صحت فراہم کنندہ نال رابطہ کر سکدے او۔ جے تہانوں معلوم نئیں اے کہ ایہہ کیویں کریے، تسی NHS 111نال رابطہ کر سکدے او۔ اپنی مقامی نگہداشت دا تعاون کرن آلیاں دی تنظیماں نال رابطہ کرنا وی مددگار ثابت ہو سکدا اے۔ تسی کیئررز یو کے اچ مقامی نگہداشت کرن آلی تنظیماں دے بارے اچ وی معلومات حاصل کر سکدے او۔ تہاڈا کنبہ کیئررز ٹرسٹ دی ویب سائٹ اتے مقامی خدمتاں دے بارے اچ وی معلومات حاصل کر سکدا اے۔

جے تسی ایس بندے دے نال رہندے او جیس دی تسی دیکھ بھال کردے او تے دیکھ بھال کرن دے لئی تہاڈی اپنی طبیعت ٹھیک نئیں اے تے اپنی مقامی اتھارٹی یا نگہداشت صحت فراہم کنندہ نال رابطہ کرو۔

آپنے آپ نوں الگ تھلگ کردے ہوئیاں نسخے جمع کرنا

جے تسی عام طور تے اوس لئی نسخے وصول کر دے او جس دی تسی دیکھ بھال کر دے او تے تسی خود نوں الگ تھلگ کر رئیے او، فیر تہانوں متبادل انتظام لبھنا چائیدا اے۔ جے ممکن ہو وے تاں مدد لئی دوستاں تے خاندان دی ولوں مدد لین دی کوشش یا مدد طلب کرنی چائیدی اے۔

ودھ کے فارمیسیاں گھراں اچ ڈلیوری دی سروس دے رئی نیں۔ اونہاں نوں ٹیلیفون کرو کہ آیا ایہہ دستیاب اے یا جے تہانوں نسخیاں تائیں رسائی حاصل کرن اچ مدد دین دے لئی مقامی طور تے کوئی ہور اسکیم چل رئی اے۔

تسی NHSدے رضاکارانہ ردعمل وکھان آلیاں توں وی مدد حاصل کر سکدے او جیہڑے ایہوجئَ امور اچ مدد کر سکدے نیں جیویں کہ دوائیاں لے کے جانا یا خریداری کرنا۔ سویرے 8 وجے توں راتی 8 وجے دے وچکار ‎0808 196 3646 اتے فون کرو۔ NHS دے رضاکارانہ ردعمل وکھان آلے کس مدد دی پیشکش کر سکدے نیں ایس دے بارے اچ معلومات ایتھے موجود اے۔

ایس ویلے فارمیسی دی فراہمی دی خدمتاں دباؤ اچ ہون گی، ایس کر کے ایہہ ضروری اے کہ تسی اپنے تکراری نسخیاں نوں ویلے سر آرڈر کر دیو، تاں جے ترسیل اچ تاخیر توں بچ سکو۔ تکراری نسخے تے فراہمی دی سروسز دے بارے اچ معلومات تہاڈی GP پریکٹس ویب سائٹ دے ولوں وی دستیاب ہو سکدی اے۔

جے اک متبادل کلیکشن دا بندوبست کرنا ممکن نی ہووے، تے اپنے آپ نوں الگ تھلگ کرن آلے کسے فرد دے گھر چھڈن دا امکان اے جتھے ضروری ہووے کہ اکو ای گھر اچ کسی دوجے دے لئی طبی سامان حاصل کیتا جاوے۔

جے اوہ فرد تسی جیس دی دیکھ بھال کردے او، اوہ تہاڈے نال نئیں رہندا تے اپنے آپ نوں الگ تھلگ کر رئیا اے، تے بشرط ایہہ کہ جے تسی اپنے آپ نوں الگ تھلگ نہ کرو تے جے ضروری ہووے تے تسی نسخہ چھڈن دے لئی اوس دے گھر اچ داخل ہو سکدے او۔ تہانوں ودھ توں ودھ علامتاں یا مثبت ٹیسٹ آلے بندہ توں اپنے آپ نوں دور رکھنا چائیدا تے رہنمائی اتے عمل کرنا چائیدا۔

Back to top