Cyfleuster mewndirol wrth y ffin Caergybi
Diweddarwyd 14 Mawrth 2021
© Hawlfraint y Goron 2021
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/attending-an-inland-border-facility/5039954
Porthladd Caergybi
O 1 Ionawr 2021 ymlaen, bydd Porthladd Caergybi yn cynnig gwiriadau trwyddedau CITES a Swyddfa Dramwy yn unig.
Roadking Truckstop
Carnets ATA, Swyddfa Pen y Daith a Swyddfa Ymadael
O 1 Ionawr 2021 ymlaen, ni all Porthladd Caergybi brosesu Carnets ATA, felly bydd angen i chi fynd i Roadking Truckstop wrth symud nwyddau gyda Charnet ATA. Bydd Roadking Truckstop hefyd yn cynnig gwasanaethau Swyddfa Pen y Daith a Swyddfa Ymadael.
Gwnewch yn siŵr eich bod yn paratoi cyn i chi deithio i’r Roadking Truckstop drwy ddefnyddio Anfonwr neu Dderbynnydd Awdurdodedig i ddechrau’ch symudiad cludo neu i ddod ag ef i ben.
Gallwch gael mynediad i Roadking drwy ymadael â’r A55 wrth gyffordd 2.
Cyfeiriad ac amserau agor
Roadking Truckstop
Parc Cybi
Kingsland
Caergybi
LL65 2YQ
Mae’r Carnets ATA, y Swyddfa Pen y Daith a’r Swyddfa Ymadael ar gael 24 awr y dydd, 7 diwrnod yr wythnos, yn Roadking Truckstop.
Cyn i chi gyrraedd Roadking
Bydd angen i chi roi gwybod i Lu’r Ffiniau pryd y byddwch yn disgwyl cyrraedd Roadking Truckstop. Mae’n rhaid i chi wneud hyn o leiaf 24 awr cyn i chi gyrraedd. Mae’n rhaid i chi hefyd roi gwybod i Lu’r Ffiniau os ydych yn cludo anifeiliaid byw. Cyfeiriwch at y llawlyfr i gael rhagor o wybodaeth am brosesu’ch Carnet ATA drwy Roadking.
Gallwch roi gwybod i Lu’r Ffiniau eich bod yn cyrraedd drwy e-bostio: BFHolyhead@HomeOffice.gov.uk