Systemau glanweithdra amgen ar gyfer offer torri
Cyhoeddwyd 15 Gorffennaf 2021
Yn berthnasol i Loegr, Gogledd Iwerddon a Chymru
© Hawlfraint y Goron 2021
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/alternative-sanitation-of-cutting-tools/systemau-glanweithdra-amgen-ar-gyfer-offer-torri
Mae’r canllawiau hyn yn nodi’r broses ar gyfer gweithredu dulliau amgen ar gyfer diheintio offer mewn llad-dai, sefydliadau trin helgig sydd wedi’u cymeradwyo (AGHE) neu ffatrïoedd torri yng Nghymru a Lloegr.
Pwrpas y canllawiau hyn yw helpu gweithredwyr busnesau bwyd a swyddogion gorfodi i ddeall gweithdrefnau dilysu a gwirio systemau amgen ar gyfer diheintio offer, sy’n gyfwerth â defnyddio dŵr ar dymheredd o 82˚C ac uwch.
Maent yn nodi egwyddorion y broses weithredu trwy roi trosolwg o’r camau asesu ar gyfer busnesau a swyddogion, gan gynnwys manylion eu rolau a’u cyfrifoldebau. Nid yw’r canllawiau’n cwmpasu pob dull diheintio amgen posib nac yn amlygu sut gallai dulliau penodol gael eu defnyddio ar yr ystod eang o offer sydd ar gael.