PackUK yn cyhoeddi map y Fethodoleg Asesu Ailgylchadwyedd (RAM)
Ein map ar gyfer y Fethodoleg Asesu Ailgylchadwyedd (RAM), sy'n dangos datblygiadau arfaethedig rhwng 2025 a 2030.
Mae PecynUK yn falch o gyhoeddi map y Fethodoleg Asesu Ailgylchadwyedd (RAM) rhwng 2025 a 2030.
Mae’r map yn rhoi trosolwg strategol o ddatblygiad RAM, a’r adolygiadau arfaethedig o ddeunyddiau dros y pum mlynedd nesaf. Mae PackUK wedi gweithio’n agos gyda Phwyllgor Cynghori Technegol RAM ac Aelodau Gwadd o’r Pwyllgor hwnnw i ddatblygu’r cynllun, gan ymateb yn uniongyrchol i adborth gan y diwydiant a dangos ein hymrwymiad parhaus i ddull cydweithredol a thryloyw o ddatblygu RAM.
Mae’r map yn cynnwys yr holl wybodaeth sydd ei hangen ar gyfer y diwydiant, gan gynnwys digwyddiadau rheolaidd fel cyfarfodydd chwarterol y Pwyllgor Cynghori Technegol, adolygiadau cysoni polisi blynyddol y pedair gwlad, cyhoeddiadau blynyddol y RAM, a dyddiadau cau polisi pEPR perthnasol. Mae’r map hefyd yn cynnwys archwiliadau dwfn untro o wahanol fathau o ddeunyddiau i asesu sut gall RAM gefnogi’r deunyddiau pecynnu hynny’n well ac ystyried arloesedd y diwydiant mewn diweddariadau yn y dyfodol. Mae’r archwiliadau dwfn hyn yn ychwanegol at y cylch diweddaru blynyddol, gan sicrhau bod y RAM yn parhau i esblygu i adlewyrchu tueddiadau’r diwydiant, ar yr un pryd â sicrhau adolygiadau mwy cynhwysfawr o bob categori deunydd. Mae’n bosibl y bydd yr holl amseroedd ar y map yn newid.
Bydd y RAM yn cael ei wella’n barhaus dros y blynyddoedd nesaf, gan fynd i’r afael ag ymholiadau, datblygiadau a materion rhanddeiliaid wrth iddynt ddod i law, gan integreiddio cynifer o newidiadau rhesymol â phosibl i ddiweddariadau RAM blynyddol. Os oes gennych chi unrhyw ymholiadau sy’n ymwneud â RAM, cysylltwch ag EPRCustomerService@defra.gov.uk.