Bonws Nadolig
Gwybodaeth bellach
Os ydych yn rhan o gwpl priod, mewn partneriaeth sifil neu’n byw gyda’ch gilydd fel petaech yn gwpl priod a’ch bod chi’ch dau’n cael budd-daliadau cymwys, bydd y ddau ohonoch yn cael taliad Bonws Nadolig.
Os nad yw eich partner neu bartner sifil yn cael un o’r budd-daliadau cymwys, efallai y byddant yn gallu parhau i gael Bonws Nadolig os bydd y ddau beth canlynol yn gymwys:
- rydych chi’ch dau dros oedran Pensiwn y Wladwriaeth erbyn diwedd yr wythnos cymhwyso
- roedd eich partner neu bartner sifil hefyd yn bresennol (neu ‘fel arfer yn preswylio’) yn y DU, Ynysoedd y Sianel, Ynys Manaw, Gibraltar, unrhyw wlad yr Ardal Economaidd Ewropeaidd (AEE) neu’r Swistir yn ystod yr wythnos gymhwyso
Mae’n rhaid bod un o’r canlynol hefyd yn berthnasol:
- mae gennych hawl i gynnydd mewn budd-dal cymwysedig ar gyfer eich partner neu bartner sifil
- yr unig fudd-dal gymwys rydych yn ei gael yw Credyd Pensiwn