رہنمائی

روڈ میپ دے مرحلہ 4 ول جانا

تازہ ترین حال 27 August 2021

Applies to England

فروری وچ حکومت نے اک روڈمیپ بنایا سی جہڑا کہ انگلینڈ وچ پابندیاں نوں محتاط طریقے نال ختم کرنا دا مرحلہ وار منصوبہ اے۔^{[footnote 1]} فروری تو لے کے ہُن تک ایس روڈ میپ نے ایس بارے وچ ساڈی رہنمائی کیتی کہ اساں کسراں ڈیٹا نہ کہ تاریخاں دی بنیاد اُتے پابندیاں چُکیاں نیں۔ ایہہ دستاویز اوہناں انتظامات نوں بیان کردی ہے جہڑے انگلینڈ وچ نافذ کیتے جان گے۔ علاقائی حکومتاں یعنی ڈیوالوڈ ایڈمنسٹریشنز سکاٹ لینڈ، ویلز تے آئر لینڈ لئی منصوبے طے کر رہیاں نیں۔

19 جولائی نوں حکومت نے روڈمیپ دے مرحلہ 4 وچ داخل ہون دا فیصلہ کیتا ہے، کوویڈ-19 دے خطریاں نال نبڑدے ہوئے مسلسل احتیاظ دا نواں مرحلہ۔ ایہہ چار ہفتے دے اوس وقفے توں بعد ہویا جس دا اعلان 14 جون نوں کیتا گیا سی جس دی وجہ توں 10 جولائی تک حفاظتی ٹیکیاں دی 7 ملین اضافی (3,5 ملین پہلی تے تقریباً 3,6 دوجی ) خوارک دین دا موقع ملیا اے۔ 19 جولائی تک ہر بالغ فرد نوں پہلی تے دو-تہائی بالغ افراد نوں دوجی خوراک دی پیشکش کرن دی توقع اے۔

عالمی وباء ہلے مُکی نئیں۔ کس تیزی نال ودھ رہے نیں تے اک تیجی لہر جاری اے۔ مرحلہ 4 دے احتیاط تے ضبط نوں ختم کرن دی لوڑ دا خاتمہ نہیں۔ اگرچہ مرحلہ 4 وچ حکومت ولوں عالمی وباء دے دوران لگائیاں جان والیاں بہت ساریاں پابندیاں چُک لیاں جان گیئاں، پر محتاط گائڈنس یعنی رہنمائی برقرار رہوئے گی، جہڑی ایس گل نوں واضح کردی رہے گی کہ معمول ول ہلے واپسی نہیں ہوئی۔ جد کہ کیس زیادہ نیں تے ودھ رہے نیں، ہر کسے نوں احتیاط کولوں کم لینا چاہیدا اے تے محتاط رہنا چاہیدا اے۔ اسی آون والے مہینیاں دے دوران وائرس نال نبڑ دے رہواں گے تے رہنمائی فراہم کردے رہواں گے۔

جد کہ مجودہ پابندیاں چُکن دا کوئی وی کامل ویلا نہیں پر 19 جولائی نوں مرحلہ 4 وچ وڑن دا مطلب ایہہ اے کہ پابندیاں دی نرمی تے سکول دی ٹرم دا خاتمہ اکوں ویلے ای موسم گرما وچ ہویا اے جدوں باہر زیادہ سرگرمیاں ہو سکدیاں نیں تے این ایچ ایس اُتے موسم خزاں تے موسم سرما دی نسبت دباء گھٹ ہُندے نیں۔

حفاظتی ٹیکیاں دے رول آوٹ دی کامیابی نے محفوظ تے مرحلہ وار طریقے نال پابندیاں چُکن دا راستہ ہموار کیتا اے۔ پر کوئی ویکسین وی 100% موثر نہیں، تے وائرسز دی طرحاں، کوویڈ-19 وی میوٹیٹ ہو سکدا اے یعنی نویاں قسماں پیدا کر سکدا اے۔ جسراں زیادہ پابندیاں چُکیاں جان گیئان اویں ای افسوس نال کہنا پے رہیا اے کہ زیادہ کیس، ہسپتال وچ زیادہ داخلے تے موتاں ہون گیئاں۔

کلیدی حفاظتاں

ایس کرکے اسی کلیدی حفاظتاں دا نفاذ جاری رکھ رہے آں:

• جدوں تہاڈے وچ علامتاں ہون اودوں ٹیسٹ کرنا تے تعلیمی اداریاں، زیادہ خطریاں والی کم والی تھانواں وچ تے لوکاں نوں اپنے ذاتی خطرے دا بندوبست کرن لئی مدد دین لئی ہدف بنا کے بغیر علامتاں دے ٹیسٹ کرنا
• ٹیسٹ مثبت ہون یا این ایچ ایس ٹیسٹ اینڈ ٹریس ولوں رابطہ کیتے جان توں بعد یا این ایچ ایس دی کوویڈ-19 ایپ ولوں مشورہ دین توں بعد آئسولیٹ کرنا۔
• بارڈر اُتے قرنطینہ: ریڈ لسٹ ملکاں وچوں آون والے سارے لوک، تے ایمبر لسٹ ملکاں وچوں آون والے سارے لوک سوائے اوہناں لوکاں دے جہڑے یوکے وچ اقامت پذیر نے تے جنہاں نوں این ایچ ایس دے ویکسین پروگرام دے تحت مکمل حفاظتی ٹیکے لگ گئے نیں۔
• افراد، کاروباری اداریاں تے ولنرابیل لوکاں لئی محتاط رہنمائی یعنی گائڈنس جد کہ پھیلاؤ بُلند اے، مندرجہ ذیل سیمت:
  • اگرچہ حکومت اگے توں لوکاں گھروں کم کرن لئی نئیں کہہ رہی جے اوہ کر سکدے نیں ، پر حکومت توقع کردی اے تے سفارش کردی اے کہ موسم گرما دے دوران واپسی مرحلہ وار ہوئے گی:
  • حکومت توقع کردی اے تے سفارش کردی اے کہ لوک بھیڑ بھاڑ والی تھانواں وچ فیس ماسک پان جیویں کہ پبلک ٹرانسپورٹ؛
  • باہر رہنا یا تازہ ہوا اندر آون دینا؛ تے
  • سماجی رابطیاں دی تعداد، قربت تے دورانیے نوں گھٹ توں گھٹ کرنا۔
• انفیکشن دے خطرے نوں محدود کرن لئی زیادہ خطرے ولے تھانواں وچ کاروباری اداریاں تے تقریباں دی ہمت افزائی کرنا تے سپورٹ فراہم کرنا کہ اوہ این ایچ ایس دا کوویڈ پاس استعمال کرن۔ حکومت اوہناں داریاں نال مل کے اوہناں اداریاں دی ہمت افزائی کرن کم کرے گی کہ اوہ این ایچ ایس دا کوویڈ پاس استعمال کرن جہڑے وڈیاں بھیڑ بھاڑ والی تھانواں وچ کم کردے نیں جتھے لوکاں دا اوہناں لوکاں نال قریبی رابطہ ہون دا زیادہ امکان ہُندا جہڑے اوہناں دے گھروں باہر رہندے نیں۔ جے انفیکشن محدود کرن لئی کافی اقدام نہ کیتے گئے تے فیر حکومت بعد واالی کسے تریخ نوں مخصوص تھانواں وچ این ایچ ایس دے کوویڈ پاس نوں لازمی کرن اُتے غور کرے گی۔

موسم گرما وچوں گزرن والا رستہ یعنی پاتھوے

• 12 جولائی تے بعد والے دناں وچ حکومت ایس بارے وچ رہنمائی یعنی گائڈنس شائع کرے گی کہ کلیدی رویاں اُتے عمل کرکے خطرے نوں کسراں گھٹ کیتا جا سکدا اے:
  1. افراد لئی: جد کہ اِسی زیادہ تر قنونی پابندیاں ولوں دور جا رہے آں، ساہنوں ساریاں نوں ذمہ داری دا مظاہرہ کرن وچ مدد دین لئی گائڈنس یعنی رہنمائی مجود اے۔ جد کہ پھیلا زیادہ اے، ایہہ ضروری اے کہ ہر کوئی گائڈنس یعنی رہنمائی اُتے عمل کرے تے اپنے آپ تے دوجیاں دی حفاظت کرن لئی کم کرے۔
  2. کاروباری اداریاں لئی، مشورہ دینا کہ خطریاں نوں کسراں سمجھنا تے گھٹ کرنا اے جد کہ اسی کوویڈ-19 دے نال رہنا سکھ رہے آں۔
  3. طبی طور تے انتہائی غیر محفوظ یعنی ولنرایبل افراد لئی
• 19 جولائی نوں زیادہ تر قنونی پابندیاں چُک لیاں جان گیئاں، سماجی دوری تے سماجی رابطے والیں پابندیاں چُک لیاں جان گیئاں تے باقی ماندہ کاروباری ادایاں نوں کُھلن دے قابل بنایا جائے گا۔ ساے بالغ افراد نوں ہُن ویکسن دی پہلی خوراک مل چُکی اے۔
• جولائی دے اواخر تک، حکومت مقامی علاقیاں لئی مناسب ویلے اُتے کوویڈ-19 آوٹ بریک مینجمنٹ فریم ورک دی اپ ڈیٹڈ شکل شائع کرے گی۔
• 16 اگست نوں مکمل طور تے حفاظتی ٹیکے لگے ہوئے کونٹیکٹس یعنی رابطیاں^{[footnote 2]} تے 18 سال توں گھٹ عمر دے لوکاں لئی سیلف-آئسولیٹ کرن بارے ضابطے بدل جان گے۔ اپنی تے دوجے لوکاں دی حفاظت کرن لئی جہڑے لوکاں نوں مکمل حفاظتی ٹیکے نہیں لگے ہوئے اوہناں ہلے وی آئسولیٹ کرن دی لوڑ رہوئے گی، تے ہر کسے نوں ہلے وی آئسولیٹ کرنا پوئے گا جے اوہناں ٹیسٹ مثبت رہیا۔
• ستمبر وچ حکومت ملک دی موسم خزاں تے موسم سرما لئی تیاری دا جائزہ لین لئی نظرثانی کرے گی جس وچ غور کیتا جائے گا کہ آیا عوام تے کاروباری اداریاں لئی گائڈنس یعنی رہنمائی نوں جاری رکھیا جائے یا ہور پکا کیتا جائے جدوں اسی سردیاں دے موسم وچ داخل ہُندے آں، فیس ماسکس، ٹیسٹ، ٹریس تے آئسولیٹ کرن بارے، تے باقی ماندہ ضوابط اُتے نظرثانی کرے گی۔

اگلے مرحلے وچ وائرس دے بندوبست کرن دا پانچ نکاتی پلان

کوویڈ-19 رسپانس وچ بیان کیتا گیاں پنج-نکاتی منصوبہ موسم گرما 2021 ^{[footnote 3]} ساڈی وائرس نال زندگی گزارن دے خطریاں دا بندوبست کرن وچ مدد کرے گا جدوں اسی محتاط طریقے نال معمول دی زندگی ول پرت رہے آں۔

1. بوسٹر ٹیکیاں تے ٹیکے لگوان لئی ہمت افزائی دے ذریعے ملک دی ویکسین دی حفاظتی دیوار مزید مضبوط کرے گی۔ حکومت اوہناں نوجواناں نوں ترغیب دے رہی اے جنہاں نے ہلے تک حفاظتی ٹیکے نہیں لوائے اوہ حفاظتی ٹیکے لوان، یقینی بنائے گی کہ سارے بالغ لوکاں نوں ستمبر دے وسط تک حفاظتی ٹیکیاں دیاں دو خوراکاں لگ گیئاں ہون تے سب توں ودھ خطرے نال دوچار یعی ولنرایبل لوکاں نوں بوسٹر خوراک دی پیشکش کرے جس دا انحصار جے سی وی آئی دے مشورے اُتے اے۔
2. قوانین دے بجائے گائڈنس دے ذریعے لوکاں نوں باعلم فیصلے کرن دے قابل بنائے گی۔ حکومت 19 جولائی تک باقی ماندہ بند کاروباراں نوں کھول دے گی تے ریگولیشنز ختم کردے گی، تے افراد، کاروباری اداریاں تے طبی طور تے انتہائی خطرے نال دوچار یعنی ولنرایبل لوکاں نوں اوہناں رویاں بارے گائڈنس یعنی رہنمائی فراہم کرے گی جہڑے ہر کسے دی حفاظت کرن وچ مددگار ہون گے۔ حکومت پبلک سروسز نوں ایس طریقے نال کھولن دی کوشش کرے گی اوہناں تک رسائی حاصل کردے ہوئے ہر کسے نوں لگے کہ اوہ محفوظ نیں اور کاروباراں نال مل کے وی ایہہ مقصد حاصل کرن دی کوشش کرے گی۔
3. متناسب ٹیسٹ، ٹریس تے آئسولیٹ پلان برقرار رکھو حکومت ساڈا ٹیسٹنگ سسٹم جاری رکھے گی؛ لوکاں دی اوہناں دا ذاتی رسک مینج کرن لئی لیٹرل فلو ٹیسٹس دی پیشکش کرنا جاری رکھے گی؛ 16 اگست تک گھر وچ آئسولیٹ کرن دی مجودہ شرطاں برقرار رکھے گی تے ایس توں بعد مکمل طور تے ویکسین شدہ لوکاں تے 18 سال توں گھٹ عمر دے لوکاں نوں مستثنیٰ قرار دے دے گی، تے ستمبر دے آخر تک عملی تے مالی معاونت دی مدد نال سیلف-آئسولیشن لئی سپورٹ برقرار رکھے گی۔
4. نویں قسماں دے عالمی سطح اُتے نمودار ہون تے یوکے وچ داخل ہون دے خطرے نوں گھٹ کرن لئی بارڈر اُتے خطرے دا بندوبست کرے گی تے بین الاقوامی رسپانس یعنی ردعمل وچ مدد دے گی۔ حکومت بین الاقوامی سفر لئی ٹریفک-لائٹ سسٹم دا نفاذ جاری رکھے گی جس وچ موسم گرما دے دوران ریڈ، ایمبر تے گرین فہرستاں دا دوبارہ توں جائزہ ایس ہفتے، تے فیر ہر تن ہفتے بعد لیندی رہوئے گی؛ 19 جولائی توں ایمبر ملکاں وچوں آن والے مکمل طور تے ویکسین شدہ لوکاں اُتے قرنطینہ دی شرط ختم کردے گی، جدوں کہ نویاں قسماں دی شناخت کرن لئی انتہائی اہم پی سی آر ٹیسٹاں دا نظام برقرار رکھے گی؛ تے عالمی سطح تے حفاظتی ٹیکے لان وچ تیزی لیائی جائے گی جس وچ ترقی پذیر ملکاں نوں حفاظتی ٹیکیاں تک رسائی دین نوں ترجیح دتی جائے گی۔
5. غیر متوقع حالات دا مقابلا کرن لئی ہنگامی اقدامات برقرار رکھے گی ایہہ تسلیم کردے ہوئے کہ جیویں ملک کوویڈ-19 دے نال جینا سکھے گا مزید کیسز، ہسپتال وچ داخلے تے موتاں واقع ہون گیئاں۔ حکومت باقاعدگی نال ڈیٹا دی نگرانی کردی رہوئے گی ایہہ یقینی بنان لئی کہ این ایچ ایس اُتے بے تحاشا دباء تے نہیں پے رہیا؛ لوکاں اتھارٹیز نال مل کے کم کرے گی تے اوہناں مقامی علاقیاں نوں سپورٹ فراہم کرے گی جنہاں نوں کوویڈ-19 دے خلاف اضافی اقدامات دی لوڑ ہوئے؛ تے جےشواہد نے ثابت کیتا کہ کسے خطرناک نویں قسم نوں دبان یا ایس دا بندوبست کرن لئی ضروری ہویا تے حکومت مقامی، علاقائی یا قومی سطح اُتے دوبارہ توں اقتصادی تے سماجی پابندیاں لگان لئی ہنگامی منصوبہ تیار رکھے گی۔ ایہہ اقدام این ایچ ایس اُتے ناقابل برداشت دباء توں بچن لئی صرف آخری حربے دے طور تے دوبارہ نافذ کیتے جان گے۔

1. https://www.gov.uk/government/publications/covid-19-response-spring-2021/covid-19-response-spring-2021#roadmap ↩

2. مکمل حفاظتی ٹیکے: دو خوراکاں والی ویکسین لئی دوسری خوراک توں 14 دن بعد۔ ↩

3. https://www.gov.uk/government/publications/covid-19-response-summer-2021-roadmap ↩