Pennaeth Swyddfa newydd wedi’i benodi
Mae Richard Fowler wedi’i benodi’n Bennaeth Swyddfa yn Swyddfa’r Dyfarnwr.
Mae Richard Fowler wedi’i gadarnhau’n Bennaeth Swyddfa newydd Swyddfa’r Dyfarnwr.
Mae gan Richard brofiad o arwain ar lefel uwch mewn nifer o rolau sydd wedi canolbwyntio ar y cwsmer. Mae’n dod â chyfoeth o wybodaeth a phrofiad cadarn o’r Swyddfa Gartref, Cyllid a Thollau EF a’r sector preifat.
Mae gan Richard hanes cadarn o gyflawni newid cadarnhaol. Yn fwyaf diweddar, roedd Richard yn arwain prif flaenoriaethau ac amcanion Cyllid a Thollau EF ac mae wedi bod yn chwarae rhan helaeth yn nhaith a phrofiad y cwsmer. Mae hyn oll yn ei wneud yn gaffaeliad gwych i Swyddfa’r Dyfarnwr.
Meddai Richard:
“Dydy gwrando ar gwsmeriaid, cydweithwyr a phartneriaid ehangach erioed wedi bod yn bwysicach. Mae’n bleser gen i ymuno â Swyddfa’r Dyfarnwr sy’n chwarae rhan mor ganolog wrth ymchwilio i gwynion yn erbyn CThEF ac Asiantaeth y Swyddfa Brisio, a’i waith hanfodol i ddarparu adolygiad ail haen o dan y Cynllun Iawndal Windrush. Rwy’n edrych ymlaen at gwrdd â’r tîm a gweithio gyda’r sefydliadau hynny i’w helpu i ddysgu o ffrwyth profiadau ac i wella eu gwasanaethau.”
Bydd Richard yn dechrau ei swydd ar 5 Chwefror 2024.