Skip to main content
Emergency Alerts

BETA This is a new service that is being trialled – your feedback will help us to improve it.

Profion gweithredwyr

Yn achlysurol, bydd y llywodraeth a gweithredwyr rhwydweithiau symudol yn cynnal profion gweithredwyr.

Mae hyn er mwyn asesu gwelliannau technolegol sydd wedi eu gwneud i’r gwasanaeth rhybuddion argyfwng.

Ni fydd y rhan fwyaf o ffonau symudol a thabledi’n cael rhybudd prawf gweithredwr.

Bydd gan y rhybuddion hyn 'gweithredwr' bob amser yn y teitl a byddant yn cadarnhau nad oes angen gweithredu. Nid yw profion gweithredwr yn eich rhybuddio am berygl gwirioneddol.

Os cewch rybudd prawf gweithredwr, gall eich ffôn wneud sain debyg i seiren uchel am tua 10 eiliad, oni bai ei fod ar ddull tawel.

Optio allan o hysbysiadau prawf gweithredwr

Mae’r ffordd rydych chi’n optio allan yn dibynnu ar ba ffôn sydd gennych chi. Os ydych chi’n parhau i gael rhybuddion prawf gweithredydd ar ôl optio allan, cysylltwch â’ch gwneuthurwr ffôn am help.

Ffonau Android a thabledi

I atal derbyn rhybuddion profion gweithredydd, chwiliwch osodiadau eich ffôn am ‘rybuddion argyfwng’ a diffoddwch ‘rybuddion prawf’, ‘rhybuddion ymarfer’, ‘wedi’u diffinio gan weithredydd’ a ‘rhybuddion gweithredydd’. Os na allwch chi eu gweld yn eich gosodiadau:

  • agorwch eich ap galwadau ffôn
  • defnyddiwch y bysellbad i fewngofnodi *#*#2627#*#*
  • chwiliwch osodiadau eich ffôn am ‘rybuddion argyfwng’ a diffoddwch ‘rybuddion prawf’, ‘rhybuddion ymarfer’, ‘wedi’u diffinio gan weithredydd’ a ‘rhybuddion gweithredydd’

Ffonau symudol a thabledi eraill

Yn dibynnu ar fersiwn gwneuthurwr a meddalwedd eich ffôn, gellir galw gosodiadau rhybuddion brys yn enwau gwahanol, megis ‘rhybuddion argyfwng diwifr’ neu ‘ddarllediadau argyfwng’.

Gellir dod o hyd i’r gosodiadau fel arfer mewn un o’r ffyrdd canlynol. Ewch i:

  • ‘neges’, wedyn ‘gosodiadau negeseuon’, wedyn ‘rhybuddion argyfwng diwifr’, wedyn ‘rhybudd’
  • ‘gosodiadau’, wedyn ‘synau’, wedyn ‘uwch’, wedyn ‘darllediadau argyfwng’
  • ‘gosodiadau’, wedyn ‘gosodiadau cyffredinol’, wedyn ‘rhybuddion argyfwng’

Wedyn diffoddwch ‘rhybuddion prawf’, ‘rhybuddion ymarfer’, ‘rhybuddion wedi’u diffinio gan weithredydd’ a ‘rhybuddion gweithredydd’.