Cymorth ariannol os ydych yn anabl
Ar incwm isel
Credyd Cynhwysol
Efallai y gallwch gael Credyd Cynhwysol os ydych ar incwm isel neu’n ddi-waith.
Gwiriwch a ydych yn gymwys i gael Credyd Cynhwysol.
Lwfans Ceisio Gwaith (JSA)
Efallai y gallwch hawlio Lwfans Ceisio Gwaith Dull Newydd.
Bydd angen i chi fod wedi gweithio fel cyflogai ac wedi talu cyfraniadau Yswiriant Gwladol Dosbarth 1, fel arfer yn ystod y 2 i 3 blynedd ddiwethaf. Gall credydau Yswiriant Gwladol gyfrif hefyd.
Ni fyddwch yn gymwys os oeddech yn hunangyflogedig ac wedi talu cyfraniadau Yswiriant Gwladol Dosbarth 2 yn unig, oni bai yr oeddech yn gweithio fel pysgotwr cyfran neu weithiwr datblygu gwirfoddol.
Bydd angen i chi hefyd gymryd camau rhesymol i chwilio am waith.
Darganfyddwch a ydych yn gymwys am Lwfans Ceisio Gwaith Dull Newydd.
Lwfans Person Dall
Mae’r Lwfans Person Dall yn eich galluogi i dderbyn swm o incwm heb orfod talu treth. Fe’i ychwanegir at eich lwfans treth personol.