Ein llywodraethiant
Byrddau rheoli a grwpiau gwneud penderfyniadau Cofrestrfa Tir EF.
Mae Cofrestrfa Tir EF yn rhan o’r Adran Ffyniant Bro, Tai a Chymunedau. Mae’r Prif Gofrestrydd Tir a Phrif Weithredwr Simon Hayes yn atebol i’r Ysgrifennydd Gwladol Michael Gove.
Goruchwylio yw cylch gorchwyl Bwrdd Cofrestrfa Tir EF yn bennaf, tra bo’r cyfrifoldeb rheoli o ddydd i ddydd gan yr Uwch Dîm Gweithredol.
Bwrdd Cofrestrfa Tir EF
Diben Bwrdd Cofrestrfa Tir EF yw cefnogi, herio’n adeiladol a rhoi arweiniad i’r Uwch Dîm Gweithredol, goruchwylio datblygu a chyflwyno’r strategaeth fusnes a gytunwyd a sicrhau llywodraethu priodol o weithgaredd Cofrestrfa Tir EF.
Ei brif amcanion yw:
- rhoi cyngor a chytuno ar weledigaeth hir dymor, strategaeth fusnes tymor canolig, y gyllideb flynyddol a dangosyddion perfformiad allweddol
- adolygu perfformiad ariannol a gweithredol
- monitro datblygiadau’r farchnad ar gyfer cyfleoedd ac ystyried unrhyw risgiau strategol mae’r sefydliad yn eu hwynebu, sicrhau bod systemau a rheolaethau priodol ar waith
- sicrhau cydymffurfiaeth â’r holl ofynion statudol
- sicrhau bod y sefydliad yn defnyddio ymarfer gorau mewn perthynas â llywodraethu corfforaethol
- sicrhau y caiff perthnasau effeithiol eu cynnal â budd-ddeiliaid, cwsmeriaid, cyflenwyr, cyflogeion ac adrannau’r llywodraeth
Aelodau
Mae Bwrdd Cofrestrfa Tir EF yn cael ei lywio gan Gadeirydd anweithredol annibynnol ac mae ganddo hyd at 12 aelod parhaol gyda mwyafrif o aelodau anweithredol, sef y canlynol ar hyn o bryd:
- Neil Sachdev, Cadeirydd Anweithredol ac Aelod Anweithredol o’r Bwrdd
- Jon Ingram, Aelod Anweithredol o’r Bwrdd
- Iain Banfield, Prif Swyddog Ariannol
- Kirsty Cooper, Aelod Anweithredol o’r Bwrdd
- Mike Harlow, Cwnsler Cyffredinol, Dirprwy Brif Weithredwr a Dirprwy Brif Gofrestrydd Tir
- Simon Hayes, Prif Weithredwr a Phrif Gofrestrydd Tir
- Ann Henshaw, Aelod Anweithredol o’r Bwrdd
- Elliot Jordan, Aelod Anweithredol o’r Bwrdd
- Angela Morrison, Aelod Anweithredol o’r Bwrdd
- Jeremy Pee, Aelod Anweithredol o’r Bwrdd
Pwyllgor Archwilio a Risg
Rôl y Pwyllgor Archwilio a Risg yw monitro ac adolygu effeithiolrwydd gweithgaredd risg, sicrwydd ac archwilio. Ar ran y bwrdd, mae’r pwyllgor yn archwilio’n heffeithiolrwydd o ran y canlynol:
- systemau rheolaeth fewnol a systemau rheoli risg
- rheoli risg
- camau a gymerwyd neu i’w cymryd i reoli risgiau difrifol neu i ddatrys unrhyw fethiannau rheoli neu wendidau a nodir
Mae’r pwyllgor yn cynnwys cyfarwyddwyr anweithredol a gweithredol. Maent yn annibynnol ar y rheolwyr ac unrhyw weithgaredd arall allai effeithio ar eu gwrthrychedd. Mae Pennaeth Archwiliad Mewnol yn mynychu cyfarfodydd y pwyllgor hefyd.
Mae’r Pwyllgor Archwilio a Risg yn is-bwyllgor Bwrdd Cofrestrfa Tir EF.
Aelodau
Aelodau’r Pwyllgor Archwilio a Risg yw:
- Elliot Jordan, Cadeirydd Anweithredol ac Aelod o’r Bwrdd
- Jon Ingram, Aelod Anweithredol o’r Bwrdd
- Angela Morrison, Aelod Anweithredol o’r Bwrdd
Pwyllgor Taliadau ac Enwebiadau
Mae’r Pwyllgor Taliadau ac Enwebiadau yn sicrhau bod trefniadau tâl ac enwebu yn cefnogi amcanion Cofrestrfa Tir EF ac yn goruchwylio recriwtio, cadw a pherfformiad y tîm gweithredol.
Mae’r Pwyllgor Taliadau ac Enwebiadau yn is-bwyllgor Bwrdd Cofrestrfa Tir EF.
Aelodau
Aelodau’r Pwyllgor Taliadau ac Enwebiadau yw:
- Ann Henshaw, Cadeirydd Anweithredol ac Aelod o’r Bwrdd
- Jon Ingram, Aelod Anweithredol o’r Bwrdd
- Kirsty Cooper, Aelod Anweithredol o’r Bwrdd
- Simon Hayes, Prif Weithredwr a Phrif Gofrestrydd Tir
- Simon Morris, Cyfarwyddwr Adnoddau Dynol a Datblygu Sefydliadol
Y Pwyllgor Newid
Mae’r Pwyllgor Newid yn cefnogi’r bwrdd i sicrhau bod cynlluniau trawsnewid y sefydliad yn parhau i fod yn gyson â’i uchelgeisiau strategol a bod modd eu cyflawni’n effeithiol.
Is-bwyllgor o fwrdd Cofrestrfa Tir EF yw’r Pwyllgor Newid.
Aelodau
Aelodau’r Pwyllgor Newid yw:
- Jeremy Pee, Cadeirydd Anweithredol ac Aelod Anweithredol o’r Bwrdd
- Angela Morrison, Aelod Anweithredol o’r Bwrdd
- Jon Ingram, Aelod Anweithredol o’r Bwrdd
- Simon Hayes, Prif Weithredwr a Phrif Gofrestrydd Tir
- Iain Banfield, Prif Swyddog Ariannol
- Mark Gray, Prif Swyddog Trawsnewid a Thechnoleg
Uwch Dîm Gweithredol
Mae’r Uwch Dîm Gweithredol yn delio â rheoli Cofrestrfa Tir EF o ddydd i ddydd, gan gynnwys:
- monitro ein dangosyddion perfformiad allweddol a’r gyllideb gyffredinol
- rheoli risgiau i’r sefydliad
- gwneud penderfyniadau ariannol
- delio â materion sy’n ymwneud â chwsmeriaid
- codi materion a phenderfyniadau pwysig i Fwrdd Cofrestrfa Tir EF i’w hadolygu
Caiff yr Uwch Dîm Gweithredol ei gefnogi gan nifer o is-bwyllgorau sy’n cyfarfod yn fisol.