دنیا کی خبروں کی کہانی

پاکستان کے نوجوانوں کی رائے ملکی مستقبل کے بارے میں

پاکستان میں برطانیہ کے نامزد ہائی کمشنر تھامس ڈریونے پاکستان کی ممتازجامعات کے ایک متحرک طلبہ گروپ سے ملاقات کی جو برطانوی ہائی کمیشن کے یوتھ ایڈوائزری بورڈ کے رکن ہیں۔ یہ ملاقات ہائی کمیشن اسلام آباد میں ہوئی.

British youth Advisory board with British High Commissioner, Thomas Drew

پاکستان میں برطانیہ کے نامزد ہائی کمشنر تھامس ڈریونے پاکستان کی ممتازجامعات کے ایک متحرک طلبہ گروپ سے ملاقات کی جو برطانوی ہائی کمیشن کے یوتھ ایڈوائزری بورڈ کے رکن ہیں۔ یہ ملاقات ہائی کمیشن اسلام آباد میں ہوئی.

یہ گروپ گریٹ ڈبیٹ کمپیٹیشن کے بعد تشکیل دیا گیا ہے۔ اس کے اراکین اس مقابلے کے فائنل میں پہنچنے والے طلبہ ہیں جو ستمبر 2015ء سے دسمبر 2015ء تک جاری رہا۔ یہ مقابلہ پاکستان کے چاروں صوبوں اورفاٹا کی ممتاز جامعات میں ہوا۔ یہ بورڈ نوجوانوں کو ان سے متعلق امور پر بحث و مباحثے کے لئے ایک منفرد پلیٹ فارم فراہم کرتا ہے اور تعلیم اور پاکستانی نوجوانوں سے رابطے کے باب میں برطانیہ کے کام پرمشورے دیتا ہے.

برطانیہ کے نامزد ہائی کمشنر نے فارمن کرسچئین کالج لاہور کے طالب علم کو اسکالر شپ ایوارڈ بھی دیاجنہوں نے مقابلہ جیتا تھا۔ایک ایوارڈایبٹ آباد کی کومسیٹس یونی ورسٹی کی دوم آنے والی عزہ آفریدی کودیا گیا.

اس ملاقات میں بات کرتے ہوئے پاکستان میں برطانیہ کے نامزد ہائی کمشنر تھامس ڈریو نے کہا:

مجھے برطانوی ہائی کمیشن کے پہلے یوتھ ایڈوائزری بورڈ سے ملاقات پر بڑی خوشی ہےمیں نوجوانوں سے متعلق کئی امور پر ان کے خیالات سن کر بہت متاثر ہوا ہوں.

پاکستان کے نوجوان کل آبادی کا دو تہائی ہیں۔ انہیں معاشی، سیاسی اور سماجی ترقی کو یقینی بنانے میں اہم کردار ادا کرنا ہے۔ منفرد اور باصلاحیت طلبہ کے اس گروپ کے مجتمع خیالات، ان کا جوش اور مہارت جان کر ہمیں پاکستان کے نوجوانوں سے بہتر رابطے اور اس ملک کے مستقبل کے رہنماوں میں بحث و مباحثے کی روایت کو فروغ دینے میں مدد ملے گی۔.

میرا ماننا ہے کہ پاکستان کے پاس یہ ایک موقع ہے جو ایک نسل میں ملنے والا واحد موقع ہوتا ہے کہ وہ خود کو ایک ایسے ملک میں ڈھال سکے جو اس کےعوام چاہتے ہیں۔ مجھے امید ہے کہ پاکستان کے نوجوان پاکستان کے اس تصور کے بارے میں وسیع تربات چیت کو جاری رکھیں گے جو وہ 2047ء تک متشکل دیکھنا چاہتے ہیں۔ یہ پاکستان کی تخلیق کا 100 واں سال ہوگا۔ اور یہ وہ وقت ہوگا جب آج کے نوجوان پاکستان کی قیادت کررہے ہونگے.

تھامس ڈریو نے نامزد برطانوی ہائی کمشنر کی حیثیت سے پیر کو کام شروع کیا ہے، اسلام آباد آنے کے بعد سے یہ ان کی اولین سرگرمیوں میں سے ایک تھی۔ وہ پہلے بھی اسلام آباد میں سیاسی کونسلر کی حیثیت سے کام کرچکے ہیں۔ اس کے بعد سے وہ وزارت خارجہ برطانیہ میں قومی سلامتی مشیر اورسکریٹری خارجہ ولیم ہیگ اورفلپ ہیمنڈ کے چیف آف اسٹاف رہے ہیں.

برطانوی ہائی کمیشن کے یوتھ ایڈوائزری بورڈ کے اراکین کی فہرست:

1 Ahsan Habib Karachi Sindh Madrassa tul Islam University Finalist - Karachi Sindh
2 Ali Mujtaba Sangrasi Hyderabad Mehran University of Engineering & Technology Finalist - Hydrabad Sindh
3 Zara Shafiq Islamabad Institute of Space & Technology Finalist - Islamabad Punjab
4 Danial Chughtai Rawalpindi Foundation University Finalist - Rawalpindi Punjab
5 Gadhaun Aslam Lahore Forman Christian College Winner Punjab
6 Asifa Farhat Gujrat University of Gujrat Finalist – Gujrat Punjab
7 Wajeeha Shoaib Multan Bahauddin Zakariya University Finalist – Multan Punjab
8 M. Junaid Khan Sialkot Murray College Finalist – Sialkot Punjab
9 Iza Afridi Abbottabad COMSATS Runner-up KPK  
10 Abdul Hanan Faisalabad GC University Finalist - Faisalabad Punjab
11 M. Asfandyar Peshawar Islamia college university Finalist – Peshawar KPK
12 Aqib Aurangzeb Mirpur Mirpur University Finalist – Mirpur Pakistan Administered Kashmir
شائع کردہ 25 February 2016