1. Home

Cydraddoldeb ac amrywiaeth

Mae’r Adran Gwaith a Phensiynau (DWP) yn ymrwymedig i ddarparu gwasanaethau sy’n cynnwys amrywiaeth ac sy’n hyrwyddo cyfleoedd cyfartal.

Fel cyflogwr, mae’r Adran Gwaith a Phensiynau yn ymrwymedig i gydraddoldeb ac yn gwerthfawrogi amrywiaeth o fewn ei gweithlu.

Ein bwriad yw sicrhau bod yr ymrywmiadau hyn, a atgyfnerthir gan ein gwerthoedd, yn cael eu gosod yn ein ymarferion gwaith dyddiol gyda’n holl gwsmeriaid, cydweithwyr a phartneriaid.

Byddwn yn cynnig cyfle cyfartal ac ni fyddwn yn goddef gwahaniaethu ar sail rhyw, hunaniaeth o ran rhywedd, statws priodasol, cyfeiriadedd rhywiol, hil, lliw, cenedligrwydd, crefydd, oedran, anabledd, statws HIV, patrwm gweithio, cyfrifoldebau gofalu, gweithgaredd undeb llafur neu gred gwleidyddol – neu ar sail unrhyw beth arall.

Byddwn yn arddangos ein hymrwymiad trwy:

  • hyrwyddo cyfartaledd cyfleon ac amrywiaeth o fewn y cymunedau ble rydym yn gweithio a gyda’n holl partneriaid a gweithlu
  • anelu at adeiladu gweithlu sy’n adlewyrchu ein cwsmeriaid, o fewn y cymunedau amwyriol yr ydym yn eu gweithio, gyda’r nod o gael cydraddoldeb cynrychiolaeth ar draws y gweithlu
  • annog recriwtio o grwpiau sydd ar hyn o bryd wedi eu tangynrychioli o fewn yr adran a’u dilyniant gyrfa unwaith y maent wedi eu cyflogi
  • trin ein cwsmeriaid, cydweithwyr a phartneriaid yn deg a chyda pharch
  • hyrwyddo amgylchedd sy’n rhydd o wahaniaethu, bwlio ac aflonyddu a thaclo ymddygiad sy’n torri hyn
  • cydnabod a phennu gwerth i’r gwahaniaethau a chyfraniad unigol y mae pobl yn eu gwneud
  • darparu cefnogaeth ac annogaeth i staff datblygu eu gyrfa a chynyddu eu cyfraniad i’r sefydliad trwy ehangu eu sgiliau a galluoedd
  • cynnwys anghenion deddfwriaethol ac ymarfer gorau yn ein holl polisïau a gweithdrefnau gweithwyr a chyflawni gwasanaethau, a chefnogi’r rhain gyda hyfforddiant a chanllawiau priodol

Mae gan bawb sy’n gweithio i’r adran gyfrifoldeb personol i weithredu a hyrwyddo’r egwyddorion hyn yn eu hymdriniaeth dyddiol â phawb – gan gynnwys aelodau o’r cyhoedd, staff eraill a chyflogwyr a phartneriaid. Nid yw ymddygiad amhriodol yn dderbyniol.

Byddwn yn mesur ac adrodd ar effeithlonrwydd cyflawni ein polisïau a phrosesau i weithwyr, mewn perthynas â’r egwyddorion hyn, trwy adeiladu monitro perfformiad ac anghenion gwybodaeth reoli wrth ddatblygu polisïau a chynhyrchion. Caiff y wybodaeth ei defnyddio i hysbysu polisïau’r dyfodol ac ehangu prosesau busnes.

Dysgu a datblygu staff

Rydym yn credu ei fod yn bwysig bod ein holl bobl yn gallu cyfrannu at gyflawni amcanion yr adran. Mae gan staff fynediad at gynhyrchion dysgu a datblygu sy’n berthnasol i bob maes o gydraddoldeb.

Mae hefyd Grŵp Cydraddoldeb sy’n cynrychioli oedran, anabledd, rhyw, hil, trawsrhywioldeb, cyfeiriadedd rhywiol, cydbwysedd gwaith a bywyd a lles. Mae’r Grŵp Cydraddoldeb yn cyfrannu’n uniongyrchol at nodau adrannol ar gyfer hawlwyr, cwsmeriaid a staff trwy ymddwyn fel fforwm ymgynghori i gydweithwyr gweithredol a pholisi, trwy godi pryderon a hyrwyddo arferion da.

Hyderus o ran Anabledd

Mae’r Adran Gwaith a Phensiynau yn cael ei gydnabod fel Arweinydd Hyderus o ran Anabledd gan arddangos ymrwymiad adrannol i ddenu, recriwtio a chadw pobl anabl a’u cefnogi i gyrraedd eu potensial llawn.

Ymgyrch MINDFUL EMPLOYER®

Mae’r ymgyrch MINDFUL EMPLOYER® wedi ei anelu at godi ymwybyddiaeth o iechyd meddwl yn y gwaith a darparu cefnogaeth i fusnesau gyda recriwtio a chadw staff. Mae DWP wedi llofnodi ei Siarter i Gyflogwyr sy’n Gadarnhaol am Iechyd Meddwl.

Dyletswydd Cydraddoldeb y Sector Cyhoeddus

Roedd y Deddf Cydraddoldeb 2010 yn cymhwyso Dyletswydd Cydraddoldeb y Sector Cyhoeddus (PSED) ar gyrff cyhoeddus. Mae’r Dyletswydd Cydraddoldeb yn gofyn i awdurdodau cyhoeddus ystyried yr angen i waredu gwahaniaethu, gwthio ymlaen cyfleoedd cyfartal a meithrin perthnasau da. Yn ychwanegol, mae gan lawer o gyrff cyhoeddus, gan gynnwys DWP, ddyletswyddau penodol o dan y ddeddf.

O dan y dyletswyddau penodol mae’n ofynnol i ni gyhoeddi:

  • gwybodaeth gydraddoldeb
  • amcanion cydraddoldeb

Gwybodaeth gydraddoldeb

Fel awdurdod cyhoeddus, rhaid i ni gyhoeddi, o leiaf yn flynyddol, gwybodaeth berthnasol a chymesur sy’n arddangos ein cydymffurfiaeth â’r Dyletswydd Cydraddoldeb. Mae hyn yn disodli’r gofyn blaenorol i gyhoeddi cynlluniau cydraddoldeb.

Rydym wedi cyhoeddi adroddiadau ar wahân am ddata gweithwyr a chwsmeriaid ers 2014:

Amcanion cydraddoldeb

Mae gofyn i DWP i bennu amcanion cydraddoldeb penodol a mesuradwy ar ysbeidiau o ddim llai na 4 blynedd o fis Ebrill 2012.

Mae amcanion cydraddoldeb DWP yn cynnwys y materion cydraddoldeb sy’n effeithio ar eu cwsmeriaid a’u gweithwyr.

Cynnwys