Talu’r TAW sy’n ddyledus ar eich Ffurflen Gwasanaeth Un Cam TAW
Sut i dalu’r TAW sy’n ddyledus ar eich Ffurflen Gwasanaeth Un Cam (GUC) TAW a faint o amser mae’n ei gymryd i’ch taliad ddod i law CThEF.
Cyn i chi dalu’ch Ffurflen Gwasanaeth Un Cam (GUC) TAW, dylech ddysgu sut i lenwi’ch ffurflen (yn agor tudalen Saesneg).
Pryd i dalu
Gallwch dalu’r TAW sy’n ddyledus ar eich Ffurflen GUC TAW drwy ddefnyddio’r gwasanaeth ar-lein:
- pan fyddwch yn cyflwyno’r ffurflen
- yn y dyfodol, cyn belled â bod y TAW yn cael ei thalu’n llawn erbyn diwrnod olaf y mis, yn dilyn diwedd pob chwarter
Os bydd y dyddiad cau ar y penwythnos neu ar ŵyl y banc, gwnewch yn siŵr bod eich taliad yn dod i law CThEF erbyn diwedd y diwrnod gwaith olaf cyn hynny.
Os na fyddwch yn talu erbyn y dyddiad cau, efallai y bydd yn rhaid i chi dalu cosb, llog, neu’r ddau.
Talu ar-lein
Gallwch ddefnyddio un o’r dulliau canlynol i dalu ar-lein:
- cymeradwyo taliad drwy’ch cyfrif banc ar-lein
- cerdyn debyd neu gerdyn credyd corfforaethol
I fewngofnodi i’ch cyfrif GUC, mae angen i chi gael eich Dynodydd Defnyddiwr (ID) a chyfrinair ar gyfer Porth y Llywodraeth arnoch. Bydd eich cyfeirnod talu yn cael ei rag-lenwi.
Gallwch hefyd dalu heb fewngofnodi, drwy ddefnyddio’ch rhif cofrestru TAW.
Gall gwasanaethau ar-lein fod yn araf ar adegau prysur. Gwiriwch a oes unrhyw broblemau gyda’r gwasanaeth hwn (yn agor tudalen Saesneg).
Gallwch hefyd wneud taliadau a gweld eich hanes talu drwy gael mynediad at gynllun Undeb y GUC drwy eich cyfrif treth busnes CThEF.
Mewngofnodwch i’ch cyfrif treth busnes.
Talu ar-lein gan ddefnyddio’ch cyfrif banc
Gallwch dalu drwy gymeradwyo taliad drwy’ch cyfrif banc ar-lein — gallwch wneud hyn drwy ddewis yr opsiwn ‘talu drwy gyfrif banc’.
Bydd gofyn i chi fewngofnodi i’ch cyfrif banc ar-lein, neu’ch cyfrif banc symudol, i gymeradwyo’ch taliad.
Bydd angen i chi fod â’ch manylion bancio ar-lein wrth law er mwyn talu drwy’r dull hwn.
Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.
Gallwch ddewis dyddiad talu, cyn belled â’i fod cyn dyddiad dyledus eich taliad.
Gwiriwch eich cyfrif i wneud yn siŵr bod y taliad wedi mynd allan ar y dyddiad cywir. Os nad yw’r taliad wedi mynd allan yn ôl y disgwyl, cysylltwch â’ch banc.
Talu â cherdyn debyd neu gerdyn credyd corfforaethol
Gallwch wneud taliad yn llawn ar-lein drwy ddefnyddio cerdyn debyd neu gerdyn credyd corfforaethol. Bydd ffi na ellir ei had-dalu yn cael ei chodi os byddwch yn defnyddio cerdyn debyd neu gredyd corfforaethol. Ni allwch dalu â cherdyn credyd personol.
Bydd eich taliad yn cael ei dderbyn ar y dyddiad y byddwch yn ei wneud, ac nid y dyddiad y mae’n cyrraedd cyfrif CThEF (gan gynnwys penwythnosau a gwyliau banc).
Bydd yn rhaid i chi sicrhau bod y manylion a nodwch yn cyd-fynd â’r rheini sydd gan eich banc neu ddarparwr y cerdyn. Er enghraifft, dylai’r cyfeiriad bilio gyd-fynd â’r cyfeiriad y mae’ch cerdyn wedi’i gofrestru iddo ar hyn o bryd.
Byddwch yn cael cadarnhad drwy e-bost pan fydd eich taliad wedi’i wneud.
Talu drwy drosglwyddiad banc
Os byddwch yn talu drwy CHAPS (System Dalu Awtomataidd y Tŷ Clirio) neu Daliadau Cyflymach, gallwch gyflwyno’ch taliad ar yr un diwrnod, neu’r diwrnod nesaf.
Os byddwch yn talu drwy Bacs (System Glirio Awtomataidd y Bancwyr), dylech ganiatáu 3 diwrnod gwaith i’ch taliad gyrraedd CThEF.
Dylech ofyn i’ch banc ddefnyddio’r cod ‘OUR’ yn y maes ‘Detail of charge’ pan fydd yn prosesu’ch taliad.
Rydym yn argymell eich bod yn gwirio amserau prosesu ac uchafswm y terfynau trosglwyddo a osodir gan eich banc cyn i chi dalu.
Y manylion cyfrif i’w defnyddio os yw’ch cyfrif yn y DU
Defnyddiwch y manylion canlynol i wneud taliad os yw’ch cyfrif yn y DU:
- cod didoli — 08-32-00
- rhif y cyfrif — 12001047
- enw’r cyfrif — HMRC VAT ON E
Y manylion cyfrif i’w defnyddio os yw’ch cyfrif dramor
Defnyddiwch y manylion canlynol i wneud taliad os yw’ch cyfrif dramor:
- rhif y cyfrif (IBAN) — GB34 BARC 2005 1710 7534 91
- cod adnabod y banc (BIC) — BARCGB22
- enw’r cyfrif — HMRC VAT ON E
Mae’n rhaid i chi wneud pob taliad mewn punnoedd sterling (GBP).
Os bydd angen, gallwch roi’r cyfeiriad canlynol fel cyfeiriad bancio CThEF i’ch banc chi:
Barclays Bank PLC
1 Churchill Place
London
United Kingdom
E14 5HP
Help a chymorth
Os oes gennych unrhyw gwestiynau am daliadau Ffurflen GUC TAW, e-bostiwch: paymentteam.moss@hmrc.gov.uk
Diweddarwyd ddiwethaf ar 15 May 2024 + show all updates
-
The 'paying online through your bank account' section has been updated.
-
You can now select a date to pay when paying online through your bank account.
-
Welsh translation of this guidance has been added.
-
You can now access the OSS Union scheme through your HMRC business tax account.
-
More detailed information about different payment methods has been added to the 'How to pay' section.
-
The 'How to pay' section has been updated.
-
An email address to contact HMRC about One Stop Shop (OSS) VAT Return payments has been added.
-
First published.