Canllawiau

Gweithredu fel dirprwy mewn gorchymyn llys: enghraifft ddilys

Detholiad swyddogol o weithredu fel dirprwy mewn gorchymyn o’r Llys Gwarchod, ac esboniad o’r hyn sy’n gwneud y ddogfen yn ddilys.

• Gan: Swyddfa’r Gwarcheidwad Cyhoeddus
• Cyhoeddwyd: 30 August 2016
• Diweddarwyd ddiwethaf: 25 October 2022 — Gweld pob diweddariad

Dogfennau

Sampl o orchymyn llys dirprwy cofrestedig

PDF, 458 KB, 2 o dudalennau

Efallai na fydd y ffeil hon yn addas ar gyfer defnyddwyr technoleg gynorthwyol.

Gwneud cais am fformat hygyrch.

Os ydych chi'n defnyddio technoleg gynorthwyol (er enghraifft, rhaglen darllen sgrin) a bod angen fersiwn o'r ddogfen hon arnoch mewn fformat mwy hygyrch, e-bostiwch customerservices@publicguardian.gov.uk. Rhowch wybod i ni pa fformat sydd ei angen arnoch. Bydd yn ein helpu ni os byddwch chi'n dweud pa dechnoleg gynorthwyol rydych chi'n ei defnyddio.

Manylion

Mae’r ddogfen ar y dudalen hon yn enghraifft o weithredu fel dirprwy mewn gorchymyn o’r Llys Gwarchod (yn y Saesneg), ac at ddibenion cyfeirio yn unig.

Mae gorchmynion dirprwyaeth yn offerynnau cyfreithiol sy’n rhoi awdurdod i un neu fwy o bobl (y ‘dirprwy’ neu ‘ddirprwyon’) wneud penderfyniadau dros berson arall sydd heb alluedd meddyliol. Mae galluedd meddyliol yn golygu’r gallu i wneud rhai penderfyniadau drostynt eu hunain.

Mae gorchmynion dirprwyaeth yn cwmpasu penderfyniadau ynglŷn â materion eiddo neu ariannol (a elwir yn ‘eiddo a materion’ ar y gorchymyn llys) neu ofal iechyd a phersonol (‘lles personol’). Gall yr un person weithredu fel dirprwy ar gyfer y ddau fath o benderfyniad, ond yn yr achos hwnnw, bydd ganddynt ddau orchymyn ar wahân.

I fod yn ddilys, bydd sêl foglynnog gron y llys ar bob tudalen gorchymyn dirprwyedig eiddo a materion ariannol. Bydd sêl inc (weladwy) hefyd ar y dudalen flaen sy’n dangos y dyddiad y mae’r llys wedi cyhoeddi’r gorchymyn (ei anfon). Yr unig wahaniaeth gyda gorchymyn lles yw lle rydyn ni’n gosod sêl inc gron (weladwy) y Llys Gwarchod yn lle sêl foglynnog. Mae’r sêl gron fel arfer yn cael ei gosod ar waelod y gorchymyn ar yr ochr dde.

Bydd y gorchymyn hefyd yn dangos enw’r dirprwy neu ddirprwyon ac enw’r person y maent yn gwneud penderfyniadau ar ei ran. Yna mae’r gorchymyn yn rhestru’r mathau o benderfyniadau y gall y dirprwy neu ddirprwyon eu gwneud i’r person heb alluedd meddyliol a’r rheini na allant eu gwneud.

Gallwch hefyd edrych ar Gofrestr Swyddfa’r Gwarcheidwad Cyhoeddus i gadarnhau bod gan rywun ddirprwy yn gweithredu ar ei ran/rhan.

Gweler y tudalennau ar weithredu fel dirprwy am fwy o wybodaeth ynglŷn â’r pŵer y mae gorchymyn dirprwyaeth yn ei roi i wneud penderfyniadau ar ran rhywun arall.

Mae tudalennau ar wahân yn dangos enghreifftiau o atwrneiaeth arhosol ac atwrneiaeth barhau, sef offerynnau cyfreithiol eraill ar gyfer gwneud penderfyniadau ar ran rhywun arall.

Holl ganllawiau a ffurflenni Cymraeg Swyddfa’r Gwarcheidwad Cyhoeddus

Cyhoeddwyd ar 30 August 2016
Diweddarwyd ddiwethaf ar 25 October 2022 + show all updates

1. 25 October 2022

   Update to guidance on what deputy orders should look like and the difference between the two types.

2. 13 January 2017

   Added translation

3. 13 January 2017

   Added translation

4. 30 August 2016

   First published.