Gwybodaeth ynghylch newidiadau i’r Tâl Treth Budd-dal Plant Incwm Uchel
Diweddarwyd 8 March 2024
© Hawlfraint y Goron 2024
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/changes-to-the-high-income-child-benefit-charge/ed42ab36-ab6c-4847-8642-1f1c2019b299
Fel y cyhoeddwyd yng Nghyllideb 2024, bydd y trothwy ar gyfer y Tâl Treth Budd-dal Plant Incwm Uchel yn cynyddu i £60,000 o 6 Ebrill 2024 ymlaen.
Mae’r tâl wedi’i feinhau mewn ffordd sy’n golygu y gallai fod o fudd ariannol i chi i hawlio, hyd yn oed os ydych chi, neu’ch partner, yn ennill rhwng £60,000 a £80,000.
Er enghraifft, codir tâl 1% o’ch Budd-dal Plant ar bob £200 o incwm sydd dros y trothwy o £60,000. Os yw’ch incwm dros £80,000, bydd y tâl yn hafal i werth y taliad Budd-dal Plant.
Os nad ydych wedi hawlio Budd-dal Plant hyd yn hyn
Os nad ydych wedi hawlio Budd-dal Plant hyd yn hyn, gallwch hawlio drwy ap CThEF neu ar-lein. Mae Budd-dal Plant yn cael ei ôl-ddyddio am 3 mis, neu i ddyddiad geni’r plentyn os yw’n hwyrach.
Bydd hawliadau newydd am Fudd-dal Plant a wnaed ar neu ar ôl 6 Ebrill 2024, a’r hawliadau a wnaed cyn 8 Gorffennaf 2024, yn golygu y bydd taliadau yn cael eu hôl-ddyddio, ond byddant yn destun i’r tâl ym mlwyddyn dreth 2024 i 2025 os yw’ch incwm dros y trothwy newydd, sef £60,000.
Er enghraifft, os gwnewch hawliad newydd ar 6 Mai 2024, bydd eich taliad Budd-dal Plant yn cael ei ôl-ddyddio i 6 Chwefror 2024, ond byddwch dim ond yn talu’r tâl ym mlwyddyn dreth 2024 i 2025 os yw’ch incwm dros £60,000.
Bydd angen i chi, neu’ch partner, gyflwyno a thalu unrhyw dâl ar gyfer 2024 i 2025 drwy Hunanasesiad erbyn 31 Ionawr 2026.
Os ydych eisoes wedi hawlio Budd-dal Plant ac nad ydych yn cael taliadau
Os ydych eisoes wedi hawlio Budd-dal Plant ac nad ydych yn cael taliadau, ond am ddechrau eu cael, gallwch wneud hyn drwy ap CThEF neu ar-lein. Gallwch ddewis pryd i ddechrau’ch taliadau, ond os ydych yn eu dechrau cyn 6 Ebrill, mae’n bosibl y bydd yn rhaid i chi dalu’r tâl ar gyfer 2023 i 2024.
Os ydych chi, neu’ch partner, yn talu’r tâl ar hyn o bryd
Os ydych chi, neu’ch partner, yn talu’r tâl drwy Hunanasesiad ar hyn o bryd, bydd angen i chi gyflwyno a thalu’r hyn sydd arnoch erbyn 31 Ionawr 2025.
Gallwch ddefnyddio ap CThEF i wneud y canlynol:
- dysgu os ydych yn cael Budd-dal Plant ar hyn o bryd
- gwirio’ch incwm